Read Xitsonga Amos 2 Bible Online

Amos 2 - Xitsonga bible

Amos 2

¹Yehovha u ri: “Hikwalaho ka milandzu minharhu kumbe ya mune ya Mowabu â€” ndzi nga ka ndzi nga hundzuki, hikuva va hisile marhambu ya hosi ya Edomu, va ma endle nkuma;

²ndzi ta hoxa ndzilo le Mowabu, wu ta hisa tindlu ta vukosi ta Keriyoto, kutani Mowabu u ta lova edzolongeni rero exikarhi ka nkosi ni ku pfuma ka mhalamhala.

³Kutani ndzi ta lovisa muavanyisi exikarhi ka yena, tihosi ta yena ndzi ti herisa swin'we na yena,” ku vula Yehovha.

⁴Yehovha u ri: “Hikwalaho ka milandzu, minharhu kumbe ya mune ya Yuda â€” ndzi nga ka ndzi nga hundzuki, hikuva va sorile nawu wa Yehovha, a va hlayisanga ku lerisa ka yena, va hambuxiwa hi mavunwa ya vona lawa vakokwa wa vona va nga famba ha wona,

⁵ndzi ta hoxa ndzilo eYuda, wu ta hisa tindlu ta vukosi ta Yerusalema.”

⁶Yehovha u ri: “Hikwalaho ka milandzu minharhu, kumbe ya mune ya Israele â€” ndzi nga ka ndzi nga hundzuki, hikuva va xave mali hi la lulameke, va xave tintanghu hi xisiwana,

⁷va navela ku vona ntshuri wa misava ehenhla ka nhloko ya xisiwana kutani va gombonyokisa timhaka ta lava nga ekhombyeni; munhu ni tata wa yena va nghenela nsati a ri un'we ku sandzisa vito ra mina leri hlawuriweke,

⁸kutani va etlela etingubyini leti tekiweke hikwalaho ka nandzu emahlweni ka tialitari hinkwato, va nwa vhinyo ya miriho endlwini ya swikwembu swa vona.

⁹“Kasi hi mina la heriseke Vaamori emahlweni ka n'wina, valavo ku leha ka vona a ku fana ni ku leha ka tikedari, va ri ni matimba ku fana ni tieike, ndzi heta mihandzu ya vona ehenhla, ni timitsu ta vona ehansi.

¹⁰Kambe hi mina ndzi nga mi humesa etikweni ra Egipta, ndzi mi fambisa emananga hi malembe ya mune wa makume mi ta fuma tiko ra Vaamori.

¹¹Kutani ndzi pfuxile vaprofeta exikarhi ka vana va n'wina, ni le xikarhi ka majaha ya n'wina ndzi pfuxa Vanaziri. A swi tano xana, vana va Israele?” ku vula Yehovha.

¹²“Kambe mi nwisile Vanaziri vhinyo; loko va ri vaprofeta, mi va lerisile, mi ku: ‘Mi nga tshuki mi profeta.’

¹³“Vonani, ndzi ta mi phyandlasa kukotisa golonyi leyi teleke tinyandza.

¹⁴Wa matsamba, u ta tsandzeka ku tsutsuma, wa matimba a nga ka a nga tiyisi hi matimba ya yena; ni xihontlovila, xi nga ka xi nga hlayisi vutomi bya xona.

¹⁵Loyi a tameleke vurha a nga ka a nga tihanyisi, ni la khandziyaka hanci a nga ka a nga ponisi ku hanya ka yena;

¹⁶hambi a ri la tiyeke exikarhi ka tinhenha, u ta tsutsuma a hluvurile hi siku rero,” ku vula Yehovha.