Read Xitsonga Numbers 7 Bible Online

Numbers 7 - Xitsonga bible

Numbers 7

¹Siku Muxe a hetiseke ku yimisa Yindlu, ni ku yi kwetsimisa, ni ku yi hlawula swin'we ni swibya hinkwaswo swa yona; kuteloko a swi kwetsimisile, ni loko a swi hlawurile,

²tihosi ta Israele, ti nga tihosi ta tindlu ta vatata wa vona leti fumaka etinyimbeni, ti nga leti pfuneke ku hlaya vanhu,

³ti humesa mihlengo ya tona, ti yi tisa emahlweni ka Yehovha: ti ri tigolonyi ta 6 leti nga ni malwango, ni tihomu ta 12; golonyi yin'we yi ri ya tihosi timbirhi, ni homu yin'we ya hosi yin'wana ni yin'wana va swi humesa emahlweni ka Yindlu.

⁴Kutani Yehovha a byela Muxe, a ku:

⁵“U swi amukela eka vona, swi ta pfuna ku tirha ntirho wa tabernakela ya nhlengeletano, u ta swi nyika Valevhi, eka un'wana ni un'wana hi ntirho wa yena.”

⁶Kavaloko Muxe a teka tigolonyi ni tihomu, a nyika Valevhi.

⁷A nyika tigolonyi letimbirhi ni tihomu ta mune eka vana va Gerixoni, hilaha va swi pfumaleke hakona entirhweni wa vona.

⁸A nyika tigolonyi ta mune ni tihomu ta 8 eka vana va Merari, hilaha va swi pfumaleke hakona entirhweni wa vona, va ri emavokweni ya Itamara, n'wana Aroni, muprista.

⁹Loko va ri vana va Kohata, a nga va nyikanga swona, hikuva leswi va tirhelaka swilo leswi hlawuriweke va swi pinga emakatleni.

¹⁰Tihosi ti humesa mihlengo ya tona ya ku khangula alitari, siku va yi kwetsimisaka: tihosi ti humelela emahlweni ka alitari ti ri ni mihlengo ya tona.

¹¹Kutani Yehovha a ku eka Muxe: “Tihosi a ti humese mihlengo ya tona, yin'wana hi siku rin'wana, ni yin'wana hi siku rin'wana ku khangula alitari.”

¹²La humeseke nhlengo wa yena siku ro rhanga a a ri Nahaxoni, n'wana Aminadaba, wa nyimba ya Yuda.

¹³Nhlengo wa yena a wu ri nkamba wa silivhere; ku tika ka wona a ti ri tixikele ta 130, ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi a yi tele hi mapa layo saseka lama pfuviweke hi mafurha, ma va ya nyiko;

¹⁴ni ndzheko wa nsuku wa tixikele ta 10, lowu teleke hi mirhi ya risuna;

¹⁵ni nkunzi ni khuna, ni xinyimpfana xa lembe rin'we ya holokosta,

¹⁶ni xiphongo xa gandzelo ra xidyoho;

¹⁷ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5, ni swinyimpfana swa 5 swa lembe. Hi wona nhlengo wa Nahaxoni, n'wana Aminadaba.

¹⁸Siku ra vumbirhi, Netanele n'wana Suwara, hosi ya nyimba ya Isakara, a tisa nhlengo wa yena.

¹⁹A humesa nhlengo wa yena, wu ri nkamba wa silivhere wa tixikele ta 130 ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko;

²⁰ni ndzheko wa nsuku wa tixikele ta 10 lowu teleke hi mirhi ya risuna;

²¹ni xinkuzana, ni khuna, ni xinyimpfana xa lembe, swi va swa holokosta;

²²ni xiphongo xa gandzelo ra xidyoho;

²³ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5, ni swinyimpfana swa 5 swa lembe. Hi wona nhlengo wa Netanele, n'wana Suwara.

²⁴Siku ra vunharhu, hosi ya vana va Zebuloni, Eliyabu, n'wana Heloni.

²⁵Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko;

²⁶ni ndzheko wa nsuku wa tixikele ta 10, lowu teleke hi mirhi ya risuna;

²⁷ni xinkuzana, ni khuna, ni xinyimpfana xa lembe swa holokosta;

²⁸ni xiphongo xa gandzelo ra xidyoho;

²⁹ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5 ni swinyimpfana swa 5 swa lembe. Hi wona nhlengo wa Eliyabu, n'wana Heloni.

³⁰Siku ra vumune, hosi ya vana va Rhuveni, Elizuri, n'wana Xedewuru.

³¹Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi yi tele hi mapa layo saseka lama pfuviweke hi mafurha, ma va ya nyiko;

³²ni ndzheko wa nsuku wa tixikele ta 10, lowu teleke hi mirhi ya risuna;

³³ni xinkuzana ni khuna, ni xinyimpfana xa lembe swa holokosta;

³⁴ni xiphongo xa gandzelo ra xidyoho;

³⁵ni swa gandzelo ra ku khensa, tinkunzi timbirhi, ni makhuna ya 5 ni swiphongo swa 5, ni swinyimpfana swa lembe swa 5. Hi wona nhlengo wa Elizuri, n'wana Xedewuru.

³⁶Siku ra vuntlhanu, hosi ya vana va Simiyoni, Xelumiele, n'wana Suri-Xadayi.

³⁷Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi yi tele hi mapa layo saseka lama pfuviweke hi mafurha, ma va ya nyiko,

³⁸ni ndzheko wa nsuku wa tixikele ta 10 lowu teleke hi mirhi ya risuna;

³⁹ni xinkuzana, ni khuna, ni xinyimpfana xa lembe, swi va swa holokosta;

⁴⁰ni xiphongo xa gandzelo ra xidyoho;

⁴¹ni swa gandzelo ra ku khensa, tinkunzi timbirhi ni makhuna ya 5, ni swiphongo swa 5 ni swinyimpfana swa lembe swa 5. Hi wona nhlengo wa Xelumiele, n'wana Suri-Xadayi.

⁴²Siku ra 6, hosi ya vana va Gadi, Eliyasafa n'wana Duwele.

⁴³Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo, mikamba leyimbirhi yi tele hi mapa layo saseka lama pfuviweke hi mafurha, ma va ya nyiko;

⁴⁴ni ndzheko wa nsuku wa tixikele ta 10 lowu teleke hi mirhi ya risuna;

⁴⁵ni xinkuzana, ni khuna, ni nyimpfana ya lembe, swi va swa holokosta;

⁴⁶ni xiphongo xa gandzelo ra xidyoho;

⁴⁷ni swa gandzelo ra ku khensa, tinkunzi timbirhi ni makhuna ya 5, ni swiphongo swa 5, ni swinyimpfana swa lembe swa 5. Hi wona nhlengo wa Eliyasafa, n'wana Duwele.

⁴⁸Siku ra 7, hosi ya vana va Efrayimi, Elixama, n'wana Amihudi.

⁴⁹Nhlengo wa yena a wu ri nkamba wa silivhere wa tixikele ta 130 ni nkambana wa silivhere wa tixikele ta 70, hi xikele ya vukwetsimelo; mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko;

⁵⁰ni ndzheko wa nsuku wa tixikele ta 10 lowu teleke hi mirhi ya risuna; lowu teleke hi mirhi ya risuna;

⁵¹ni xinkuzana, ni khuna, ni nyimpfana ya lembe, swi va swa holokosta;

⁵²ni xiphongo xa gandzelo ra xidyoho;

⁵³ni swa gandzelo ra ku khensa, tinkunzi timbirhi ni makhuna ya 5, ni swiphongo swa 5, ni swinyimpfana swa lembe swa 5. Hi wona nhlengo wa Elixama, n'wana Amihudi.

⁵⁴Siku ra 8, hosi ya vana va Manase, Gamaliele n'wana Pedasuru.

⁵⁵Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo, mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko;

⁵⁶ni ndzheko wa nsuku wa tixikele ta 10 lowu teleke hi mirhi ya risuna;

⁵⁷ni xinkuzana, ni khuna, ni nyimpfana ya lembe, swi va swa holokosta;

⁵⁸ni xiphongo xa gandzelo ra xidyoho;

⁵⁹ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5, ni swinyimpfana swa lembe swa 5. Hi wona nhlengo wa Gamaliele, n'wana Pedasuru.

⁶⁰Siku ra 9, hosi ya vana va Benjamini, Abidana, n'wana Gidiyoni.

⁶¹Nhlengo wa yena a wu ri nkamba wa silivhere wa tixikele ta 30, ni nkambana wa silivhere wa tixikele ta 70, hi xikele ya vukwetsimelo, mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko;

⁶²ni ndzheko wa nsuku wa tixikele ta 10 lowu teleke hi mirhi ya risuna;

⁶³ni xinkuzana, ni khuna, ni nyimpfana ya lembe, swi va swa holokosta;

⁶⁴ni xiphongo xa gandzelo ra xidyoho;

⁶⁵ni swa gandzelo ra ku khensa, tinkunzi timbirhi, ni makhuna ya 5 ni swiphongo swa 5, ni swinyimpfana swa lembe swa 5. Hi wona nhlengo wa Abidana, n'wana Gidiyoni.

⁶⁶Siku ra khume, hosi ya vana va Dani, Ahiezere, n'wana Amixadayi.

⁶⁷Nhlengo wa yena a wu ri nkamba wa silivhere wa tixikele ta 130 ni nkambana wa silivhere wa tixikele ta 70 hi xikele ya vukwetsimelo; mikamba leyimbirhi yi tele hi mapa layo saseka lama pfuviweke hi mafurha, ma va ya nyiko;

⁶⁸ni ndzheko wa nsuku wa tixikele ta 10 lowu teleke hi mirhi ya risuna;

⁶⁹ni xinkuzana, ni khuna, ni nyimpfana ya lembe, swi va swa holokosta;

⁷⁰ni xiphongo xa gandzelo ra xidyoho;

⁷¹ni swa gandzelo ra ku khensa, tinkunzi timbirhi, ni makhuna ya 5, ni swiphongo swa 5, ni swinyimpfana swa lembe swa 5. Hi wona nhlengo wa Ahiezere, n'wana Amixadayi.

⁷²Siku ra 11, hosi ya vana va Asere, Pagiele, n'wana Okirani.

⁷³Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo, mikamba leyimbirhi yi tele hi mapa layo saseka lama pfuviweke hi mafurha ma va ya nyiko;

⁷⁴ni ndzheko wa nsuku wa tixikele ta 10 lowu teleke hi mirhi ya risuna;

⁷⁵ni xinkuzana, ni khuna, ni xinyimpfana xa lembe, swi va swa holokosta;

⁷⁶ni xiphongo xa gandzelo ra xidyoho;

⁷⁷ni swa gandzelo ra ku khensa tinkunzi timbirhi, ni makhuna ya 5 ni swiphongo swa 5, ni swinyimpfana swa lembe swa 5. Hi wona nhlengo wa Pagiele, n'wana Okirani.

⁷⁸Siku ra 12, hosi ya vana va Neftali, Ahira, n'wana Enana.

⁷⁹Nhlengo wa yena a wu ri nkamba wa silivhere wa tixikele ta 130, ni nkambana wa silivhere wa tixikele ta 70, hi xikele ya vukwetsimelo, mikamba leyimbirhi yi tele hi mapa layo saseka, lama pfuviweke hi mafurha, ma va ya nyiko;

⁸⁰ni ndzheko wa nsuku wa tixikele ta 10, lowu teleke hi mirhi ya risuna;

⁸¹ni xinkuzana, ni khuna, ni nyimpfana ya lembe, swi va swa holokosta;

⁸²ni xiphongo xa gandzelo ra xidyoho;

⁸³ni swa gandzelo ra ku khensa tinkunzi timbirhi, ni makhuna ya 5, ni swiphongo swa 5, ni swinyimpfana swa lembe swa 5. Hi wona nhlengo wa Ahira n'wana Enana.

⁸⁴Hi yona mihlengo ya tihosi ta Israele ya ku khangula alitari siku yi kwetsimisiweke: mikamba ya 12 ya silivhere, ni mikambana ya 12 ya silivhere, ni mindzheko ya 12 ya nsuku.

⁸⁵Nkamba wun'wana ni wun'wana a wu ri wa tixikele ta 130 ta silivhere, ni nkambana wun'wana ni wun'wana wa 70, silivhere hinkwayo ya mikamba a yi ri ya tixikele ta 2 400, hi xikele ya vukwetsimelo.

⁸⁶Ni mindzheko ya 12 leyi teleke hi mirhi ya risuna, ya tixikele ta 10, hi xikele ya vukwetsimelo, ntsengo wa nsuku hinkwawo wa mindzheko, a ti ri tixikele ta 120.

⁸⁷Ntsengo wa swifuwo swa holokosta a ti ri tinkuzana ta 12, ni makhuna ya 12, ni swinyimpfana swa lembe swa 12, ni tinyiko ta swona; ni swiphongo swa 12 swa gandzelo ra xidyoho.

⁸⁸Ntsengo wa swifuwo swa gandzelo ra ku khensa a ti ri tinkunzi ta 24, ni makhuna ya 60, ni swiphongo swa 60, ni swinyimpfana swa 60 swa lembe. Hi wona nhlengo wa ku khangula alitari loko va yi kwetsimisile.

⁸⁹Kutani kakuloko Muxe a tshama a nghena etabernakeleni ya nhlengeletano ku ya vulavula na Yehovha, a tshama a yingisa rito leri vulavulaka na yena, ri twakala evukhongelelweni lebyi nga ehenhla ka areka ya vumbhoni, exikarhi ka tikerubu timbirhi; hi sweswo Muxe a tshama a vulavula na Yena.