Read Xitsonga Nahum 3 Bible Online

Nahum 3 - Xitsonga bible

Nahum 3

¹Yo! Muti wa ngati! Wu tele ku xisa ni ku dlaya; kona, a ku tshikiwi ku phanga.

²Twanani mpfumawulo wa swimoko, ni pongo lerikulu ra masondzo ya tigolonyi, ni tihanci leti tsutsumaka, ni tigolonyi leti tlulaka!

³Vakhandziyi va nyiketa, savula ra hatima, fumu ra hatima, lava tlhaviweke hi lavanyingi â€” i tinyandzanyandza ta lava dlaweke, a ku na laha mitsumbu yi helaka kona â€” va khunguvanyeka hi mitsumbu leyi feke!

⁴Hikwalaho ka vuoswi lebyikulu bya muoswi, la teleke hi swo tsakisa, la tlhariheke hi vuloyi, la xavisaka matiko hi ku oswana ka yena, ni swivongo hi vuloyi bya yena.

⁵Vona, ndzi ta eka wena, ku vula Yehovha wa mavandla; ndzi ta ku funungula nguvu ya wena, ndzi yi vuyisela emahlweni ka wena, ndzi ta kombisa matiko vuxeti bya wena, ndzi kombisa ku fuma tingana ta wena;

⁶ndzi ta hoxa thyaka ehenhla ka wena, ndzi ku sandzisa, ndzi ku endla xilo lexi hlamarisaka;

⁷kutani ku ta endlakala leswaku hinkwavo lava ku vonaka va ta ku balekela, kutani va ta ku: Ninivha u onhiwile! La nga n'wi rilelaka i mani? Ndzi nga ku lavela vachaveleri kwihi?

⁸Xana u tlula No-Amoni, muti lowu ingi wu tshamise ehenhla ka milambu, ingi wu rhendzeriwe hi mati, lowu lwandle ingi xi ri xisirheleto xa wona, kutani rirhangu ra wona a ri huma elwandle?

⁹Vakuxi va matimba lamakulu, ni Vaegipta lava nga hlayiwiki, Vaputu ni Valibiya a va ri vatati va wona.

¹⁰Hambiswiritano, na wona, wu susiwile, wu ye evukhumbini; vana va wona va fayeteriwe emakun'wini hinkwawo ya mitsendzele va hlahluva timbhuri ta wona hi vuhlolotwana, ni vakulukumba va wona hinkwavo va bohiwa hi tiketana.

¹¹Na wena, u ta pyopya, u va u tifihla; na wena, u ta va u lava xichavelo ku tisirheleta eka valala.

¹²Makhokholo ya wena hinkwawo i masimu ya mikuwa leyi vekeke swirhangana; kakuloko swi hlakahliwa swi wela enon'wini wa la swi dyaka.

¹³Vona, vanhu va wena lava nga eka wena i vavasati ntsena; tihuvo ta tiko ra wena ti tipfulele lava nga valala eka wena, swipfalo swa wena swi hisiwa hi ndzilo!

¹⁴Tikele mati, hikuva u ta siveleriwa; tiyisa makhokholo ya wena, nghena endzhopeni, u pfuva ndzhope, u aka hondo yo hisa switina.

¹⁵Kona ndzilo wu ta ku hisa, fumu ri ku lovisa; ri ta ku dya kukotisa tinjiya, hambi u tele ku fana ni tinjiya, u andza kukotisa swijajani.

¹⁶Vapindzuri va wena va andzile ku tlula tinyeleti ta matilo, i tinjiya leti yimisaka timpapa kutani ti haha!

¹⁷Swibombi swa wena swi kotisa tinjiya, ni vatlhavani va wena va kotisa tinjiya ta mavandla leti tshameke eswihlahleni, siku ku titimelaka; kakuloko dyambu ri tlhava, ti suka, kambe ku nga tiviwi laha ti yeke kona.

¹⁸Wena hosi ya Asiriya, varisi va wena va etlele; tinhenha ta wena ti sikamile; vanhu va wena va hangalake etintshaveni, a ku na loyi a va hlengeletaka!

¹⁹Mbanga ya wena a yi na ku kandziwa, matshimbi ya wena a ma na ku hola! Hinkwavo lava twaka ta wena, va ta ku phakatela hi mandla; hikuva vumbabva bya wena byi kayele mani eku humeleleni ka byona xana?