Read Xitsonga Matthew 20 Bible Online

Matthew 20 - Xitsonga bible

Matthew 20

¹“Ku fuma ka matilo ku fana ni n'wini wa yindlu la humeke wa ha ri mixo ku ya rhamba varimi, va ta ya rima nsimu ya yena ya vhinya.

²Kuteloko a pfumelelane ni varimi leswaku hakelo ya siku yi ta va mali ya denari yin'we, a va rhuma ensin'wini ya yena ya vhinya.

³A tlhela a huma ku lave ku endla nkarhi wa vunharhu, a vona van'wana va yimile entsendzeleni wa muti, va nga tirhi nchumu,

⁴a va byela, a ku: ‘Yanani na n'wina ensin'wini ya mina ya vhinya, ndzi ta mi nyika leswi lulameke,’

⁵kutani va ya. A tlhela a huma ku lave ku endla nkarhi wa ntlhanu na wun'we; ni le nkarhini wa ntlhanu na mune a endlisa sweswo.

⁶Kuteloko a hume hi nkarhi wa khume na wun'we, a vona van'wana va yimile va nga tirhi nchumu, a ku eka vona: ‘Mi tshamele yini siku hinkwaro mi nga tirhi nchumu?’

⁷Va ku eka yena: ‘Hikuva a hi rhambiwanga hi munhu.’ A ku eka vona: ‘Na n'wina, yanani ensin'wini ya mina ya vhinya.’

⁸Kutani nimadyambu n'wini wa nsimu ya vhinya a ku eka mulanguteri wa yindlu ya yena: ‘Vitana varimi, u va nyika hakelo ya vona, u sungula hi lave ndzhaku ku hetelela hi lavo rhanga.’

⁹Kutani lava nga rhambiwa enkarhini wa khume na wun'we, loko va ta, un'wana ni un'wana a amukela denari.

¹⁰Kambe lavo rhanga, loko va ta, va ehleketa leswaku va ta hakeriwa ngopfu; kambe, na vona, va nyikiwa un'wana ni un'wana denari yin'we;

¹¹loko va yi amukerile va dzumadzuma eka n'wini wa yindlu,

¹²va ku: ‘Va le ndzhaku, lava nga tirha hi nkarhi wun'we ntsena, u lo va ringanisa na hina hi nga tirha hi kukumbana, ni loko dyambu ri hisa.’

¹³Kambe a va hlamula, a ku eka un'wana wa vona: ‘Nakulorhi, a ndzi ku dyanga; xana a ku pfumelelananga na mina hi denari yin'we xana?

¹⁴Teka xilo xa wena u tifambela; ndzi rhandza ku nyika un'wana wa le ndzhaku kukotisa leswi ndzi ku nyikeke.

¹⁵Kumbe a ndzi swi koti ku tirha hi swa mina hilaha ndzi swi rhandzaka xana? Kumbe u hlunamele yini vunene bya mina xana?’

¹⁶Hi mukhuva wolowo, va le ndzhaku va ta va ve mahlweni, ve mahlweni va ta va ve ndzhaku.”

¹⁷Kakuloko Yesu a tlhandlukela eYerusalema, a teka lava khume na vambirhi enhlambulo endleleni, a ku eka vona:

¹⁸“Maswivo, hi tlhandlukela eYerusalema, kutani N'wana wa Munhu u ta nyiketiwa vaprista lavakulu ni vatsari, va ta n'wi avanyisela rifu;

¹⁹naswona va ta n'wi nyiketa eka vahedeni leswaku va n'wi tseketsela, va n'wi ba hi mikhavi, ni ku n'wi vamba exihambanweni, kutani hi siku ra vunharhu u ta pfuka.”

²⁰Kutani ku ta eka yena mana wa vana va Zebediya, a ri ni vana va yena, a khinsama, a vutisa nchumu eka yena.

²¹Yesu a ku eka yena: “U lava yini?” Yeloyi a ku eka yena: “A ndzi ku, vana va mina havambirhi a va tshamise eku fumeni ka wena, un'wana evokweni ra xinene, un'wana eka lera ximatsi.”

²²Kambe Yesu a va hlamula, a ku: “A mi tivi lexi mi xi kombelaka! Xana mi nga tiva ku nwela endzhekweni lowu ndzi nga ta nwela eka wona?” Va ku eka yena: “Hi nga swi tiva.”

²³Kutani a ku eka vona: “Kunene mi ta nwela endzhekweni wa mina; kambe loko ku ri ku tshama evokweni ra mina ra xinene ni ra ximatsi, a ndzi na matimba ya ku nyika, loko ku nga ri eka lava swi nga lunghiseriwa vona hi Tatana.”

²⁴Kutani lava khume, loko va yingisa mhaka leyi, va hlunamela Yakobo ni makwavo Yohane.

²⁵Kuteloko Yesu a va vitanile eka yena, a ku eka vona: “Ma swi tiva leswaku tihosi ta matiko ta ma fuma, ni vakulukumba va wona va ma fuma hi ku nonon'hwa;

²⁶swi nga endlisi sweswo eka n'wina, kambe mani na mani la rhandzaka ku va lonkulu exikarhi ka n'wina, a a ve tanihi khumbi ra n'wina;

²⁷kutani mani na mani la rhandzaka ku va lowo rhanga exikarhi ka n'wina, a a ve khumbi ra n'wina;

²⁸hilaha N'wana wa Munhu a nga tela ku nga ri ku tirheriwa, kambe ku tirhela, ni ku nyika vutomi bya yena ku kutsula lavo tala.”

²⁹Kakuloko va huma eYeriko ntshungu lowukulu wu n'wi landzelela.

³⁰Kutani maswivo, vanhu vambirhi lavo fa mahlo, a va tshamisile endleleni; kakuloko va yingisa leswaku i Yesu la hundzaka, va ba huwa, va ku: “Hi twele vusiwana, Hosi, n'wana Davhida!”

³¹Kutani ntshungu wu va miyeta, wu ku: “Miyelani,” kambe vona va engeta va huwelela, va ku: “Hi twele vusiwana, Hosi, N'wana Davhida!”

³²Yesu a yima a va vitana, a ku: “Mi rhandza leswaku ndzi mi endlela yini xana?”

³³Va ku eka yena: “Hosi, mahlo ya hina a ma hanyanyisiwe!”

³⁴Kavaloko Yesu a va twela vusiwana, a khumba mahlo ya vona; kutani hi nomu wolowo mahlo ya vona ma tlhela ma vona, kutani va n'wi landza.