Read Xitsonga Joshua 12 Bible Online

Joshua 12 - Xitsonga bible

Joshua 12

¹Hi tona tihosi leti nga hluriwa hi vana va Israele, leti va tekeke tiko ra tona ehase ka Yordani, evuxeni, ku suka exinambyaneni xa Arinoni ku ya fika entshaveni ya Hermoni, ni rivala hinkwaro ra le vuxeni:

²Sihoni, hosi ya Vaamori, leyi akeke eHexiboni; a a fuma Arowere, ni ribuwu ra xinambyana xa Arinoni, ku suka exikarhi ka nkova, ni hafu ya Giliyadi, ku fika exinambyaneni xa Yaboko lowu nga endzilakaneni wa vana va Amoni;

³ni le rivaleni, ku fika eLwandle ra Kinereta, evuxeni, ni ku fika eLwandle ra Rivala, ri nga Lwandle ro Dzuma, evuxeni, tlhelo ra Beta-Yeximoto, ni le dzongeni, ehansi ka ntshava ya Pisga.

⁴Va teka ni tiko ra Ogo hosi ya Baxani, la saleke wa Varefayimi, a akile eAxitaroto, na Edreyi;

⁵a a fuma entshaveni ya Hermoni, na Saleka, na Baxani hinkwayo ku fika endzilakaneni wa Vagexuri, ni Vamaakati, ni ku fika eka hafu ya Giliyadi, endzilakaneni wa tiko ra Sihoni, hosi ya Hexiboni.

⁶Muxe, nandza wa Yehovha, ni vana Vaisraele, va va hlurile, kutani Muxe, nandza wa Yehovha, a nyikile va Rhuveni, va Gadi, ni hafu ya nyimba ya Manase, tiko ra vona.

⁷Hi tona tihosi ta tiko leti Yoxuwa ni vana Vaisraele va nga ti hlula halenu ka Yordani, evupeladyambu, ku suka eBaali-Gadi, enkoveni wa Lebanoni, ku ya fika entshaveni ya Ripalo leyi yimeke etlhelweni ra Seyira. Yoxuwa a nyika tinyimba ta Vaisraele tiko leri leswaku va ri fuma hi ku averiwa ka vona,

⁸ku ri entshaveni, ni le tikweni leri nga ehansi, ni le rivaleni, ni le ku rheleleni ka tintshava, ni le mananga, ni le dzongeni: va ri Vahiti, ni Vaamori, ni Vakanana, ni Vaperesi ni Vahivhi ni Vayebusi.

⁹Hosi ya Yeriko, yin'we; hosi ya Ayi, ekusuhi na Betele, yin'we;

¹⁰hosi ya Yerusalema, yin'we; hosi ya Hebroni, yin'we;

¹¹hosi ya Yaramutu, yin'we; hosi ya Lakixi, yin'we,

¹²hosi ya Egiloni, yin'we; hosi ya Gezere, yin'we,

¹³hosi ya Debiri, yin'we; hosi ya Gedere, yin'we;

¹⁴hosi ya Horma, yin'we; hosi ya Aradi, yin'we;

¹⁵hosi ya Libina, yin'we; hosi ya Adulama yin'we;

¹⁶hosi ya Makeda, yin'we; hosi ya Betele, yin'we;

¹⁷hosi ya Tapuwaka, yin'we; hosi ya Hefere, yin'we;

¹⁸hosi ya Afeke, yin'we; hosi ya Laxaroni, yin'we; hosi ya Madona, yin'we;

¹⁹hosi ya Hasoro, yin'we; hosi ya Ximroni-Meroni, yin'we,

²⁰hosi ya Akixafa, yin'we; hosi ya Taanaka, yin'we;

²¹hosi ya Megido, yin'we; hosi ya Kedexe, yin'we;

²²hosi ya Yokineyama, eKarmele, yin'we, hosi ya Dori, etintshaveni ta Dori, yin'we;

²³hosi ya Goyimi, ekusuhi na Giligala, yin'we, hosi ya Tirisa, yin'we.

²⁴Loko ti hlanganisiwa, ti ri tihosi ta 31.