Read Xitsonga Joshua 15 Bible Online

Joshua 15 - Xitsonga bible

Joshua 15

¹Ku averiwa loku averiweke hi vuhlolotwana eka nyimba ya vana va Yuda hi tindlu ta vona, ku ri etlhelweni ra ndzilakana wa Edomu, ku fika emananga ya Sini, emakun'wini ya mananga edzongeni.

²Ndzilakana wa vona wa le dzongeni wu suka emakun'wini ya Lwandle ro Dunga, tlhelo ra lwandle leri langutaka edzongeni;

³wu huma edzongeni eka ndlela leyi khandziyaka ya Akrabimi, kutani wu hundzela eSini, wu khandziya edzongeni eKadexe-Bariniya, wu hundzela eHesironi, wu khandziya eAdara, kutani wu rhendzeleka hitlhelo ra Karaka;

⁴wu ya hundza eAsimoni, kutani wu huma exinambyaneni xa Egipta, wu ya hela elwandle. Hi wona ndzilakana wa n'wina wa le dzongeni.

⁵Ndzilakana wa le vuxeni, i Lwandle ro Dunga, ku fika emakun'wini ya Yordani. Ndzilakana wa le n'walungwini wu suka etlhelo ra lwandle laha ku nga ni nomu wa Yordani;

⁶wu khandziya eBeta-Hogila, wu hundza en'walungwini ka Beta-Araba, kutani wu khandziya ku ya fika eribyeni ra Bohani, n'wana Rhuveni,

⁷kutani ndzilakana wu khandziya etlhelo ra Debiri, kusuhi ni nkova wa Akora, wu ya en'walungwini, wu kongoma eGiligala, lowu langutanaka ni ndlela leyi khandziyaka ya Adumimi, yona yi le dzongeni ka xinambyana; wu hundza ekusuhi ni mati ya Eni-Xemexi, wu ya fika eEni-Rogele.

⁸Kutani wu khandziya enkoveni wa Bene-Hinomu, ku fika eku rheleleni ka ntshava ya Vayebusi edzongeni, laha Yerusalema, a nga kona; kutani wu khandziya enhlohlorhini ya ntshava leyi langutaka nkova wa Hinomu, evupeladyambu, ku nga emakun'weni ya rivala ra Varefayimi en'walungwini.

⁹Ku suka enhlohlorhini ya ntshava, ndzilakana wu ya fika exihlobyeni xa mati ya Nefitowaka, kutani wu kongoma miti ya ntshava ya Efroni, kutani wu ya fika eBaala lowu nga Kiriyata-Yeyarimi;

¹⁰wu suka eBaala, wu rhendzeleka evupeladyambu, tlhelo ra ntshava va Seyira, kutani wu hundza eku rheleleni ka ntshava ya Yeyarimi leyi nga eKesaloni, en'walungwini, kutani wu rhelela eBeta-Xemexe, wu hundza ni le ka Timina.

¹¹Kutani wu huma en'walungwini, eku rheleleni ka Ekroni wu kongoma eXikeroni, wu hundza entshaveni ya Baala, kutani wu ya humela eYabinele kambe wu ya hela elwandle.

¹²Ndzilakana wa le vupeladyambu i Lwandle Lerikulu. Hi yona mindzilekana ya vana va Yuda ematlhelweni hinkwavo, hi tindlu ta vona.

¹³Va nyika Kalebe, n'wana Yefune, ku averiwa ka yena exikarhi ka vana va Yuda, hilaha Yehovha a leriseke Yoxuwa hakona, wu ri muti wa Araba tata wa Anaka, lowu nga Hebroni.

¹⁴Kalebe a hlongola vana lavanharhu va Anaka, a ri Xexayi na Ahimani na Talimayi, vana va Anaka.

¹⁵A suka kona ku ya lwa ni vaaki va Debiri; khale vito ra Debiri a wu ri Kiriyata-Sefere.

¹⁶Kutani Kalebe a ku: “La nga ta lwa na Kiriyata-Sefere, a wu teka, ndzi ta n'wi nyika Akisa, n'wananga a va nsati wa yena.”

¹⁷Kavaloko Otiniele, n'wana Kenazi, makwa Kalebe, a yi hlula, kutani Kalebe a n'wi nyika n'wana wa yena, Akisa, a va nsati wa yena.

¹⁸Kutani kakuloko a ha ya eka nuna wa yena, a n'wi kucetela leswaku a kombela nsimu eka tata wa yena. Kavaloko a xikela mbhongolweni ya yena, kutani Kalebe a ku eka yena: “U na yini-ke?”

¹⁹A ku: “Ndzi nyike ku kateka hikuva u ndzi nyikile masimu ya le dzongeni, ndzi nyike ni xihlovo xa mati!” Kavaloko a n'wi nyika swihlovo swa le henhla ni swihlovo swa le hansi.

²⁰Hi yona ndzhaka ya nyimba ya vana va Yuda, hi tindlu ta vona.

²¹Miti leyi akiweke edzongeni, emakun'wini ya nyimba ya vana va Yuda, ekusuhi ni ndzilakana wa Edomu hi leyi:

²²Kabisele, Edere, Yaguru, Kina, Dimona, Adada;

²³Kedexe, Hasoro, Yitinana;

²⁴Zifi, Teleme, Beyaloto;

²⁵Hasoro-Hadata, Keriyoti-Hesironi, hileswaku Hasoro;

²⁶Amama, Xema, Molada;

²⁷Hasari-Gada, Heximoni, Beta-Pelete,

²⁸Hasari-Xuwala, Berexeba, Biziyotiya;

²⁹Baala, Iyimi, Esemu;

³⁰Elitolada, Kesili, Horma;

³¹Sikilaga, Madimana, Sanisana;

³²Lebawoto, Xilehimi, Ayini, Rimoni. Loko yi hlanganisiwa: miti ya 29 ni swimitana swa yona.

³³Erivaleni: Exitawulu, Sora, Axina;

³⁴Zanowaka, Eni-Ganimi, Tapuwaka, Enama;

³⁵Yaramutu, Adulama, Soko, Azeka;

³⁶Xaarayimi, Aditayimi, Gedera, Gederotayimi: miti ya 14 ni swimitana swa yona.

³⁷Sanani, Hadaxa, Migidali-Gadi;

³⁸Dileyani, Mispe, Yokitele;

³⁹Lakixi, Bosikata, Egiloni;

⁴⁰Kaboni, Lahimasi, Kitilixi;

⁴¹Gederoti, Beta-Dagoni, Naama, Makeda: miti ya 16 ni swimitana swa yona.

⁴²Libina, Etere, Axani;

⁴³Yifita, Axina, Nesibi;

⁴⁴Keyila, Akizibi, Marexa: miti ya 9 ni swimitana swa yona.

⁴⁵Ekroni ni miti ya yona ni swimitana.

⁴⁶Ku suka eEkroni evupeladyambu, hinkwaswo leswi nga ekusuhi na Axidodo, ni swimitana swa swona;

⁴⁷Axidodo ni miti ya yona ni swimitana; Gaza, ni miti ya yona ni swimitana, ku fika exinambyaneni xa Egipta ni Lwandle Lerikulu, endzilakaneni.

⁴⁸Entshaveni: Xamiri, Yatiri, Soko;

⁴⁹Dana, Kiriyata-Sana, hileswaku Debiri;

⁵⁰Anabu, Exitemoka, Animi;

⁵¹Goxeni, Holoni, Gilo: miti ya 11 ni swimitana swa yona.

⁵²Araba, Duma, Exana;

⁵³Yanimi, Beta-Tapuwaka, Afeka;

⁵⁴Humuta, Kiriyata-Araba (lowu nge Hebroni), Siyori: miti ya 9 ni swimitana swa yona.

⁵⁵Mawoni, Karmele, Zifi, Yuta;

⁵⁶Yizriele, Yokideyama, Zanowaka;

⁵⁷Kayini, Gibeya, Timina: miti ya khume ni swimitana swa yona.

⁵⁸Halahula, Beta-Suru, Gedori;

⁵⁹Marati, Beta-Anoto, Elitekona: miti ya 6 ni swimitana swa yona.

⁶⁰Kiriyata-Baala, lowu nga Kiriyata-Yeyarimi, Raba: miti mimbirhi ni swimitana swa yona.

⁶¹Emananga: Beta-Araba, Midini, Sekaka;

⁶²Nibixani, Iri-Melaka (muti wa munyu), Eni-Gedi: miti ya 6 ni swimitana swa yona.

⁶³Loko va ri Vayebusi, lava akeke eYerusalema, vana va Yuda va tsandzekile ku va hlongola, kutani Vayebusi va akile ni vana va Yuda ku fika ni namuntlha.