Read YORUBA BIBLE CROWTHER VERSION – Bibeli Mimọ I. Kronika 24 Bible Online

I. Kronika 24 - YORUBA BIBLE CROWTHER VERSION – Bibeli Mimọ bible

I. Kronika 24

¹NJẸ bi a ti pín awọn ọmọ Aaroni ni wọnyi. Awọn ọmọ Aaroni; Nadabu ati Abihu, Eleasari, ati Itamari.

²Ṣugbọn Nadabu ati Abihu kú ṣaju baba wọn, nwọn kò si li ọmọ: nitorina ni Eleasari ati Itamari fi ṣiṣẹ alufa.

³Dafidi si pin wọn, ati Sadoku ninu awọn ọmọ Eleasari, ati Ahimeleki ninu awọn ọmọ Itamari, gẹgẹ bi iṣẹ wọn ninu ìsin wọn.

⁴A si ri awọn ọkunrin ti o nṣe olori ninu awọn ọmọ Eleasari jù ti inu awọn ọmọ Itamari lọ, bayi li a si pin wọn. Ninu awọn ọmọ Eleasari, ọkunrin mẹrindilogun li o nṣe olori ni ile baba wọn, ati mẹjọ ninu awọn ọmọ Itamari, gẹgẹ bi ile baba wọn.

⁵Bayi li a fi iṣẹkeké pin wọn, iru kan mọ ikeji pẹlu; nitori awọn olori ibi mimọ́, ati olori ti Ọlọrun wà ninu awọn ọmọ Eleasari, ati ninu awọn ọmọ Itamari.

⁶Ati Ṣemaiah ọmọ Nataneeli akọwe, ọkan ninu awọn ọmọ Lefi kọ wọn niwaju ọba, ati awọn olori, ati Sadoku alufa, ati Ahimeleki, ọmọ Abiatari, ati niwaju olori awọn baba awọn alufa, ati awọn ọmọ Lefi: a mu ile baba kan fun Eleasari, a si mu ọkan fun Itamari.

⁷Njẹ iṣẹkeké ekini jade fun Jehoiaribu, ekeji fun Jedaiah,

⁸Ẹkẹta fun Harimu, ẹkẹrin fun Seorimu,

⁹Ẹkarun fun Malkijah, ẹkẹfa fun Mijamini,

¹⁰Ekeje fun Hakkosi, ẹkẹjọ fun Abijah,

¹¹Ẹkẹsan fun Jeṣua, ẹkẹwa fun Ṣekaniah,

¹²Ẹkọkanla fun Eliaṣibu, ekejila fun Jakimu,

¹³Ẹkẹtala fun Huppa, ẹkẹrinla fun Jeṣebeabu,

¹⁴Ẹkẹdogun fun Bilga, ẹkẹrindilogun fun Immeri,

¹⁵Ẹkẹtadilogun fun Heṣiri, ekejidilogun fun Afisesi,

¹⁶Ẹkọkandilogun fun Petahiah, ogun fun Jehesekeli,

¹⁷Ẹkọkanlelogun fun Jakini, ekejilelogun fun Gamuli,

¹⁸Ẹkẹtalelogun fun Delaiah, ẹkẹrinlelogun fun Maasiah.

¹⁹Wọnyi ni itò wọn ni ìsin wọn lati lọ sinu ile Oluwa, gẹgẹ bi iṣe wọn nipa ọwọ Aaroni baba wọn, bi Oluwa Ọlọrun Israeli ti paṣẹ fun u.

²⁰Iyokù awọn ọmọ Lefi ni wọnyi: Ninu awọn ọmọ Amramu; Ṣubaeli: ninu awọn ọmọ Ṣubaeli; Jehediah.

²¹Nipa ti Rehabiah; ninu awọn ọmọ Rehabiah, ekini Iṣṣiah.

²²Ninu awọn Ishari; Ṣelomoti; ninu awọn ọmọ Ṣelomoti; Jahati.

²³Awọn ọmọ Hebroni: Jeriah ikini; Amariah ekeji, Jahasieli ẹkẹta, Jekamamu ẹkẹrin.

²⁴Awọn ọmọ Ussieli; Mika: awọn ọmọ Mika; Ṣamiri.

²⁵Arakunrin Mika ni Iṣṣiah; ninu awọn ọmọ Iṣṣiah; Sekariah.

²⁶Awọn ọmọ Merari ni Mali ati Muṣi: awọn ọmọ Jaasiah; Beno;

²⁷Awọn ọmọ Merari nipa Jaasiah; Beno ati Ṣohamu, ati Sakkuri, ati Ibri.

²⁸Lati ọdọ Mali ni Eleasari ti wá, ẹniti kò li ọmọkunrin.

²⁹Nipa ti Kiṣi: ọmọ Kiṣi ni Jerameeli.

³⁰Awọn ọmọ Muṣi pẹlu; Mali, ati Ederi, ati Jerimoti. Wọnyi li ọmọ awọn ọmọ Lefi nipa ile baba wọn.

³¹Awọn wọnyi pẹlu ṣẹ keké gẹgẹ bi awọn arakunrin wọn awọn ọmọ Aaroni niwaju Dafidi ọba ati Sadoku, ati Ahimeleki, ati awọn olori awọn baba awọn alufa ati awọn ọmọ Lefi: olori awọn baba gẹgẹ bi aburo rẹ̀.