Read YORUBA BIBLE CROWTHER VERSION – Bibeli Mimọ Esra 2 Bible Online

Esra 2 - YORUBA BIBLE CROWTHER VERSION – Bibeli Mimọ bible

Esra 2

¹WỌNYI li awọn ọmọ igberiko Juda ti o goke wa, lati inu igbèkun awọn ti a ti ko lọ, ti Nebukadnessari, ọba Babiloni, ti ko lọ si Babiloni, ti nwọn si pada wá si Jerusalemu ati Juda, olukuluku si ilu rẹ̀:

²Awọn ti o ba Serubbabeli wá, Jeṣua, Nehemiah, Seraiah, Reelaiah, Mordekai, Bilṣani, Mispari, Bigfai, Rehumu, Baana. Iye awọn ọkunrin ninu awọn enia Israeli:

³Awọn ọmọ Paroṣi, ẹgbọkanla o din mejidilọgbọn.

⁴Awọn ọmọ Ṣefatiah, irinwo o din mejidilọgbọn.

⁵Awọn ọmọ Ara, ẹgbẹrin o din mẹ̃dọgbọn.

⁶Awọn ọmọ Pahati-Moabu ninu awọn ọmọ Jeṣua, ati Joabu, ẹgbẹrinla o le mejila.

⁷Awọn ọmọ Elamu, adọtalelẹgbẹfa o le mẹrin.

⁸Awọn ọmọ Sattu, ọtadilẹgbẹ̀run, o le marun.

⁹Awọn ọmọ Sakkai, ojidilẹgbẹrin.

¹⁰Awọn ọmọ Bani, ojilelẹgbẹta, o le meji.

¹¹Awọn ọmọ Bebai, ẹgbẹta o le mẹtalelogun.

¹²Awọn ọmọ Asgadi, ẹgbẹfa, o le mejilelogun.

¹³Awọn ọmọ Adonikami ọtalelẹgbẹta o le mẹfa.

¹⁴Awọn ọmọ Bigfai, ẹgbã o le mẹrindilọgọta.

¹⁵Awọn ọmọ Adini, adọtalenirinwo o le mẹrin.

¹⁶Awọn ọmọ Ateri ti Hesekiah, mejidilọgọrun.

¹⁷Awọn ọmọ Besai, ọrindinirinwo o le mẹta.

¹⁸Awọn ọmọ Jora, mejilelãdọfa.

¹⁹Awọn ọmọ Haṣumu igba o le mẹtalelogun.

²⁰Awọn ọmọ Gibbari, marundilọgọrun.

²¹Awọn ọmọ Betlehemu, mẹtalelọgọfa.

²²Awọn enia Netofa, mẹrindilọgọta.

²³Awọn enia Anatotu, mejidilãdọje.

²⁴Awọn ọmọ Asmafeti, mejilelogoji.

²⁵Awọn ọmọ Kirjat-arimu, Kefira ati Beeroti ọtadilẹgbẹrin o le mẹta.

²⁶Awọn ọmọ Rama ati Gaba, ẹgbẹta o le mọkanlelogun.

²⁷Awọn ọmọ Mikmasi, mejilelọgọfa.

²⁸Awọn enia Beteli ati Ai, igba o le mẹtalelogun.

²⁹Awọn ọmọ Nebo, mejilelãdọta.

³⁰Awọn ọmọ Magbiṣi mẹrindilọgọjọ.

³¹Awọn ọmọ Elamu ekeji, ãdọtalelẹgbẹfa o le mẹrin.

³²Awọn ọmọ Harimu, ọrindinirinwo.

³³Awọn ọmọ Lodi, Hadidi ati Ono, ọrindilẹgbẹrin o le marun,

³⁴Awọn ọmọ Jeriko, ọtadinirinwo o le marun.

³⁵Awọn ọmọ Sanaa, egbejidilogun o le ọgbọn.

³⁶Awọn alufa; awọn ọmọ Jedaiah, ti idile Jeṣua, ogúndilẹgbẹrun o din meje.

³⁷Awọn ọmọ Immeri, ãdọtalelẹgbẹrun o le meji.

³⁸Awọn ọmọ Paṣuri, ojilelẹgbẹfa o le meje.

³⁹Awọn ọmọ Harimu, ẹgbẹrun o le mẹtadilogun.

⁴⁰Awọn ọmọ Lefi: awọn ọmọ Jeṣua ati Kadmieli ti awọn ọmọ Hodafiah, mẹrinlelãdọrin.

⁴¹Awọn akọrin: awọn ọmọ Asafu, mejidilãdoje.

⁴²Awọn ọmọ awọn adena: awọn ọmọ Ṣalumu, awọn ọmọ Ateri, awọn ọmọ Talmoni, awọn ọmọ Akkubu, awọn ọmọ Hatita, awọn ọmọ Ṣobai, gbogbo wọn jẹ, mọkandilogoje.

⁴³Awọn Netinimu: awọn ọmọ Siha, awọn ọmọ Hasufa, awọn ọmọ Tabbaoti.

⁴⁴Awọn ọmọ Kerosi, awọn ọmọ Siha, awọn ọmọ Padoni.

⁴⁵Awọn ọmọ Lebana, awọn ọmọ Hagaba, awọn ọmọ Akkubu,

⁴⁶Awọn ọmọ Hagabu, awọn ọmọ Ṣalmai, awọn ọmọ Hanani;

⁴⁷Awọn ọmọ Giddeli, awọn ọmọ Gahari, awọn ọmọ Reaiah,

⁴⁸Awọn ọmọ Resini, awọn ọmọ Nekoda, awọn ọmọ Gassamu,

⁴⁹Awọn ọmọ Ussa, awọn ọmọ Pasea, awọn ọmọ Besai,

⁵⁰Awọn ọmọ Asna, awọn ọmọ Mehunimi, awọn ọmọ Nefusimi,

⁵¹Awọn ọmọ Bakbuki, awọn ọmọ Hakufa, awọn ọmọ Har-huri,

⁵²Awọn ọmọ Basluti, awọn ọmọ Mehida, awọn ọmọ Harṣa,

⁵³Awọn ọmọ Barkosi, awọn ọmọ Sisera, awọn ọmọ Tama,

⁵⁴Awọn ọmọ Nesia, awọn ọmọ Hatifa,

⁵⁵Awọn ọmọ awọn iranṣẹ Solomoni: awọn ọmọ Sotai, awọn ọmọ Sofereti, awọn ọmọ Peruda,

⁵⁶Awọn ọmọ Jaala, awọn ọmọ Darkoni, awọn ọmọ Giddeli,

⁵⁷Awọn ọmọ Ṣefatiah, awọn ọmọ Hattili, awọn ọmọ Pokereti ti Sebaimu, awọn ọmọ Ami.

⁵⁸Gbogbo awọn Netinimu, ati awọn ọmọ awọn iranṣẹ Solomoni, jẹ irinwo o din mẹjọ.

⁵⁹Awọn wọnyi li o si goke wá lati Telmela, Telkarsa, Kerubu, Addani, ati Immeri: ṣugbọn nwọn kò le fi idile baba wọn hàn, ati iru ọmọ wọn, bi ti inu Israeli ni nwọn iṣe:

⁶⁰Awọn ọmọ Delaiah, awọn ọmọ Tobiah, awọn ọmọ Nekoda, ãdọtalelẹgbẹta o le meji.

⁶¹Ati ninu awọn ọmọ awọn alufa: awọn ọmọ Habaiah, awọn ọmọ Hakosi, awọn ọmọ Barsillai, ti o fẹ ọkan ninu awọn ọmọ Barsillai obinrin, ara Gileadi li aya, a si pè e nipa orukọ wọn;

⁶²Awọn wọnyi li o wá iwe itan wọn ninu awọn ti a ṣiro nipa itan idile, ṣugbọn a kò ri wọn, nitori na li a ṣe yọ wọn kuro ninu oye alufa.

⁶³Balẹ si wi fun wọn pe, ki nwọn ki o má jẹ ninu ohun mimọ́ julọ, titi alufa kan yio fi dide pẹlu Urimu ati pẹlu Tummimu.

⁶⁴Apapọ gbogbo ijọ na, jẹ ẹgbã mọkanlelogun o le ojidinirinwo.

⁶⁵Li aika iranṣẹkunrin wọn ati iranṣẹbinrin wọn, ti o jẹ ẹgbẹrindilẹgbãrin o din mẹtalelọgọta: igba akọrin ọkunrin ati akọrin obinrin li o si wà ninu wọn.

⁶⁶Ẹṣin wọn jẹ, ọtadilẹgbẹrin o din mẹrin; ibaka wọn, ojilugba o le marun.

⁶⁷Ibakasiẹ wọn, irinwo o le marundilogoji; kẹtẹkẹtẹ wọn, ẹgbẹrinlelọgbọn o din ọgọrin.

⁶⁸Ati ninu awọn olori awọn baba, nigbati nwọn de ile Oluwa ti o wà ni Jerusalemu, nwọn si ta ọrẹ atinuwa fun ile Ọlọrun, lati gbe e duro ni ipò rẹ̀.

⁶⁹Nwọn fi sinu iṣura iṣẹ na gẹgẹ bi agbara wọn, ọkẹ mẹta ìwọn dramu wura, o le ẹgbẹrun, ẹgbẹdọgbọn mina fadaka, ati ọgọrun ẹ̀wu alufa.

⁷⁰Bẹ̃li awọn alufa, ati awọn ọmọ Lefi, ati omiran ninu awọn enia, ati awọn akọrin, ati awọn adèna, ati awọn Netinimu ngbe ilu wọn, gbogbo Israeli si ngbe ilu wọn.