Read YORUBA BIBLE CROWTHER VERSION – Bibeli Mimọ Nehemiah 7 Bible Online

Nehemiah 7 - YORUBA BIBLE CROWTHER VERSION – Bibeli Mimọ bible

Nehemiah 7

¹O SI ṣe, nigbati a mọ odi na tan, ti mo si gbe ilẹkùn ro, ti a si yan awọn oludena ati awọn akọrin, ati awọn ọmọ Lefi,

²Mo si fun Hanani arakunrin mi, ati Hananiah ijòye ãfin, li aṣẹ lori Jerusalemu: nitori olododo enia li o ṣe, o si bẹ̀ru Ọlọrun jù enia pupọ lọ.

³Mo si wi fun wọn pe, Ẹ má jẹ ki ilẹkùn odi Jerusalemu ṣi titi õrùn o fi mú; bi nwọn si ti duro, jẹ ki wọn se ilẹkùn, ki nwọn si há wọn, ki nwọn si yan ẹ̀ṣọ ninu awọn ti ngbe Jerusalemu, olukuluku ninu iṣọ rẹ̀, ati olukuluku ninu ile rẹ̀.

⁴Ṣugbọn ilu na gbõrò, o si tobi, awọn enia inu rẹ̀ si kere, a kò si kọ́ ile tan.

⁵Ọlọrun mi si fi si mi li ọkàn lati ko awọn ijòye jọ, ati awọn olori, ati awọn enia, ki a le kà wọn nipa idile wọn. Mo si ri iwe idile awọn ti o kọ́ goke wá, mo ri pe, a kọ ọ sinu rẹ̀.

⁶Wọnyi ni awọn ọmọ igberiko, ti o gòke wá lati ìgbekun ninu awọn ti a ti ko lọ, ti Nebukadnesari ọba Babiloni ti ko lọ, ti nwọn tun padà wá si Jerusalemu, ati si Juda, olukuluku si ilu rẹ̀.

⁷Awọn ti o ba Serubbabeli wá, Jeṣua, Nehemia, Asariah, Raamiah, Nahamani, Mordikai, Bilṣani, Mispereti, Bigfai, Nehumu, Baana. Iye awọn ọkunrin enia Israeli li eyi;

⁸Awọn ọmọ Paroṣi, ẹgbã o le mejilelãdọsan.

⁹Awọn ọmọ Ṣefatiah, ojidinirinwo o le mejila.

¹⁰Awọn ọmọ Ara, adọtalelẹgbẹta o le meji.

¹¹Awọn ọmọ Pahat-moabu, ti awọn ọmọ Jeṣua, ati Joabu, ẹgbẹrinla o le mejidilogun.

¹²Awọn ọmọ Elamu, ẹgbẹfa o le mẹrinlelãdọta.

¹³Awọn ọmọ Sattu, ojilelẹgbẹrin o le marun.

¹⁴Awọn ọmọ Sakkai, ojidilẹgbẹrin.

¹⁵Awọn ọmọ Binnui, ojilelẹgbẹta o le mẹjọ.

¹⁶Awọn ọmọ Bebai, ẹgbẹta o le mejidilọgbọn.

¹⁷Awọn ọmọ Asgadi, egbejila o di mejidilọgọrin.

¹⁸Awọn ọmọ Adonikamu ọtalelẹgbẹta o le meje.

¹⁹Awọn ọmọ Bigfai, ẹgbã o le mẹtadilãdọrin.

²⁰Awọn ọmọ Adini, ãdọtalelẹgbẹta o le marun.

²¹Awọn ọmọ Ateri, ti Hesekiah mejidilọgọrun.

²²Awọn ọmọ Haṣamu, ọrindinirinwo o le mẹjọ.

²³Awọn ọmọ Besai, ọrindinirinwo o le mẹrin.

²⁴Awọn ọmọ Harifu mejilelãdọfa.

²⁵Awọn ọmọ Gibioni, marundilọgọrun.

²⁶Awọn ọkunrin Betlehemu ati Netofa, ọgọsan o le mẹjọ.

²⁷Awọn ọkunrin Anatoti, mejidilãdoje.

²⁸Awọn ọkunrin Bet-asmafeti, mejilelogoji.

²⁹Awọn ọkunrin Kiriat-jearimu, Kefira, ati Beeroti, ọtadilẹgbẹrin o le mẹta,

³⁰Awọn ọkunrin Rama ati Gaba, ẹgbẹta o le mọkanlelogun.

³¹Awọn ọkunrin Mikmasi, mejilelọgọfa.

³²Awọn ọkunrin Beteli ati Ai, mẹtalelọgọfa.

³³Awọn ọkunrin Nebo miran mejilelãdọta.

³⁴Awọn ọmọ Elamu miran ẹgbẹfa o le mẹrinlelãdọta.

³⁵Awọn ọmọ Harimu, ọrindinirinwo.

³⁶Awọn ọmọ Jeriko, ọtadinirinwo o le marun.

³⁷Awọn ọmọ Lodi, Hadidi, ati Ono, ọrindilẹgbẹrin o le ọkan.

³⁸Awọn ọmọ Senaah ẹgbãji o di ãdọrin.

³⁹Awọn alufa: awọn ọmọ Jedaiah ti ile Jeṣua, ẹgbã o di mẹtadilọgbọn.

⁴⁰Awọn ọmọ Immeri, ẹgbẹrun o le mejilelãdọta.

⁴¹Awọn ọmọ Paṣuri, ẹgbẹfa o le mẹtadiladọta.

⁴²Awọn ọmọ Harimu ẹgbẹrun o le mẹtadilogun.

⁴³Awọn ọmọ Lefi: awọn ọmọ Jeṣua, ti Kadmieli, ninu ọmọ Hodafa, mẹrinlelãdọrin.

⁴⁴Awọn akọrin: awọn ọmọ Asafu, mejidilãdọjọ.

⁴⁵Awọn oludena: awọn ọmọ Ṣallumu, awọn ọmọ Ateri, awọn ọmọ Talmoni, awọn ọmọ Akkubu, awọn ọmọ Hatita, awọn ọmọ Ṣobai, mejidilogoje.

⁴⁶Awọn ọmọ Netinimu: awọn ọmọ Siha, awọn ọmọ Haṣufa, awọn ọmọ Tabbaoti,

⁴⁷Awọn ọmọ Kerosi, awọn ọmọ Sia, awọn ọmọ Padoni,

⁴⁸Awọn ọmọ Lebana, awọn ọmọ Hagaba, awọn ọmọ Salmai,

⁴⁹Awọn ọmọ Hanani, awọn ọmọ Giddeli, awọn ọmọ Gahari,

⁵⁰Awọn ọmọ Reaiah, awọn ọmọ Resini, awọn ọmọ Nekoda,

⁵¹Awọn ọmọ Gassamu, awọn ọmọ Ussa, awọn ọmọ Fasea,

⁵²Awọn ọmọ Besai, awọn ọmọ Meunimu, awọn ọmọ Nefiṣesimu,

⁵³Awọn ọmọ Bakbuku, awọn ọmọ Hakufa, awọn ọmọ Harhuri,

⁵⁴Awọn ọmọ Basliti, awọn ọmọ Mehida, awọn ọmọ Harsa,

⁵⁵Awọn ọmọ Barkosi, awọn ọmọ Sisera, awọn ọmọ Tama,

⁵⁶Awọn ọmọ Nesia, awọn ọmọ Hatifa.

⁵⁷Awọn ọmọ awọn iranṣẹ Solomoni: awọn ọmọ Sotai, awọn ọmọ Sofereti, awọn ọmọ Perida,

⁵⁸Awọn ọmọ Jaala, awọn ọmọ Darkoni, awọn ọmọ Giddeli,

⁵⁹Awọn ọmọ Ṣefatiah, awọn ọmọ Hattili, awọn ọmọ Pokereti ti Sebaimu, awọn ọmọ Amoni.

⁶⁰Gbogbo awọn Netinimu, ati awọn ọmọ awọn iranṣẹ Solomoni jẹ irinwo din mẹjọ.

⁶¹Awọn wọnyi li o si goke lati Telhariṣa, Kerubu, Addoni, ati Immeri wá: ṣugbọn nwọn kò le fi ile baba wọn hàn, tabi iran wọn, bi nwọn iṣe ti Israeli.

⁶²Awọn ọmọ Delaiah, awọn ọmọ Tobiah, awọn ọmọ Nekoda, ojilelẹgbẹta ole meji.

⁶³Ati ninu awọn alufa: awọn ọmọ Habaiah, awọn ọmọ Kosi, awọn ọmọ Barsillai, ti o ni ọkan ninu awọn ọmọbinrin Barsillai, ara Gileadi, li aya, a si npè e nipa orukọ wọn.

⁶⁴Awọn wọnyi wá iwe orukọ wọn ninu awọn wọnyi ti a kọ orukọ wọn nipa idile ṣugbọn a kò ri i: nitorina li a ṣe yà wọn kurò ninu oyè alufa.

⁶⁵Bãlẹ na si wi fun wọn pe, ki nwọn máṣe jẹ ninu ohun mimọ́ julọ, titi alufa kan yio fi duro pẹlu Urimu, ati Tummimu,

⁶⁶Iye gbogbo ijọ jasi ẹgbãmọkanlelogun o le ojidinirinwo.

⁶⁷Laikà awọn iranṣẹkunrin wọn ati iranṣẹ-binrin wọn, iye wọn jẹ ẹgbẹtadilẹgbãrin o di ẹtalelọgọta: nwọn si ni ojilugba o le marun akọni ọkunrin ati akọni obinrin.

⁶⁸Ẹṣin wọn jẹ ọtadilẹgbẹrin o di mẹrin: ibaka nwọn jẹ ojilugba o le marun:

⁶⁹Rakumi jẹ ojilenirinwo o di marun: kẹtẹkẹtẹ jẹ ẹgbẹrinlelọgbọn o di ọgọrin.

⁷⁰Omiran ninu awọn olori ninu awọn baba fi nkan si iṣẹ na. Bãlẹ fi ẹgbẹrun dramu wura, ãdọta awokoto, ọrindilẹgbẹta le mẹwa ẹwu alufa sinu iṣura na.

⁷¹Ninu awọn olori ninu awọn baba fi ọkẹ meji dramu wura, ati ẹgbọkanla mina fadaka si iṣura iṣẹ na.

⁷²Ati eyiti awọn enia iyokù mu wá jẹ ọkẹ meji dramu wura, ati ẹgbã mina fadaka, ati ẹwu alufa mẹtadilãdọrin.

⁷³Bẹ̃ni awọn alufa, ati awọn ọmọ Lefi, ati awọn oludena, ati awọn akọrin, ati ninu awọn enia, ati awọn Netinimu, ati gbogbo Israeli, ngbe ilu wọn; nigbati oṣu keje si pé, awọn ọmọ Israeli wà ni ilu wọn.