Read YORUBA BIBLE CROWTHER VERSION – Bibeli Mimọ Jobu 17 Bible Online

Jobu 17 - YORUBA BIBLE CROWTHER VERSION – Bibeli Mimọ bible

Jobu 17

¹EMI mi bajẹ, ọjọ mi parun, isa-okú duro dè mi.

²Nitõtọ! awọn ẹlẹya wà lọdọ mi, oju mi si tẹmọ́ imunibinu wọn.

³Njẹ nisisiyi, fi lelẹ! yàn onigbọwọ fun mi lọdọ rẹ; tani oluwa rẹ̀ ti yio ba mi so ọwọ pọ̀?

⁴Nitoripe iwọ ti sé wọn laiya kuro ninu oye, nitorina iwọ kì yio gbé wọn leke.

⁵Ẹniti o fi awọn ọrẹ hàn fun igára, on ni oju awọn ọmọ rẹ̀ yio mu ofo.

⁶O si sọ mi di ẹni-owe fun awọn enia, niwaju wọn ni mo dabi ẹni itutọ́ si li oju.

⁷Oju mi ṣú baibai pẹlu nitori ibinujẹ, gbogbo ẹ̀ya ara mi si dabi ojiji.

⁸Awọn olododo yio yanu si eyi, ẹni alaiṣẹ̀ si binu si awọn àgabagebe.

⁹Olododo pẹlu yio di ọ̀na rẹ̀ mu, ati ọlọwọ mimọ́ yio ma lera siwaju.

¹⁰Ṣugbọn bi o ṣe ti gbogbo nyin, ẹ yipada, ki ẹ si tun bọ̀ nisisiyi, emi kò le ri ọlọgbón kan ninu nyin.

¹¹Ọjọ ti emi ti kọja, iro mi ti fà já, ani iro inu mi.

¹²A sọ oru di ọ̀san; nwọn ni, imọlẹ sunmọ ibiti òkunkun de.

¹³Bi mo tilẹ ni ireti, ipo-okú ni ile mi, mo ti tẹ bùsun mi sinu òkunkun.

¹⁴Emi ti wi fun idibajẹ pe, Iwọ ni baba mi, ati fun kòkoro pe, Iwọ ni iya mi ati arabinrin mi.

¹⁵Ireti mi ha dà nisisiyi? bi o ṣe ti ireti mi ni, tani yio ri i?

¹⁶O sọkalẹ lọ sinu ọgbun ipo-okú, nigbati a jumọ simi pọ̀ ninu erupẹ ilẹ.