Read YORUBA BIBLE CROWTHER VERSION – Bibeli Mimọ Orin Dafidi 116 Bible Online

Orin Dafidi 116 - YORUBA BIBLE CROWTHER VERSION – Bibeli Mimọ bible

Orin Dafidi 116

¹EMI fẹ Oluwa nitori ti o gbọ́ ohùn mi ati ẹ̀bẹ mi.

²Nitori ti o dẹ eti rẹ̀ si mi, nitorina li emi o ma kepè e niwọn ọjọ mi.

³Ikẹkùn ikú yi mi ka, ati irora isà-òkú di mi mu; mo ri iyọnu ati ikãnu.

⁴Nigbana ni mo kepè orukọ Oluwa; Oluwa, emi bẹ̀ ọ, gbà ọkàn mi.

⁵Olore-ọfẹ li Oluwa, ati olododo; nitõtọ, alãnu li Ọlọrun wa.

⁶Oluwa pa awọn alaimọ̀kan mọ́: a rẹ̀ mi silẹ tan, o si ràn mi lọwọ.

⁷Pada si ibi isimi rẹ, iwọ ọkàn mi; nitori ti Oluwa ṣe é lọ́pọlọpọ fun ọ.

⁸Nitori ti iwọ gbà ọkàn mi lọwọ ikú, oju mi lọwọ omije, ati ẹsẹ mi lọwọ iṣubu.

⁹Emi o ma rìn niwaju Oluwa ni ilẹ alãye.

¹⁰Emi gbagbọ́, nitorina li emi ṣe sọ: mo ri ipọnju gidigidi.

¹¹Mo wi ni iyara mi pe: Eke ni gbogbo enia.

¹²Kili emi o san fun Oluwa nitori gbogbo ore rẹ̀ si mi?

¹³Emi o mu ago igbala, emi o si ma kepè orukọ Oluwa.

¹⁴Emi o san ileri ifẹ mi fun Oluwa, nitõtọ li oju gbogbo awọn enia rẹ̀.

¹⁵Iyebiye ni ikú awọn ayanfẹ rẹ̀ li oju Oluwa.

¹⁶Oluwa nitõtọ iranṣẹ rẹ li emi; iranṣẹ rẹ̀ li emi, ati ọmọ iranṣẹ-birin rẹ: iwọ ti tú ìde mi.

¹⁷Emi o ru ẹbọ ọpẹ si ọ, emi o ma ke pè orukọ Oluwa.

¹⁸Emi o san ileri ifẹ mi fun Oluwa, nitõtọ li oju gbogbo awọn enia rẹ̀.

¹⁹Ninu àgbala ile Oluwa, li arin rẹ, iwọ Jerusalemu. Ẹ yìn Oluwa.