Read YORUBA BIBLE CROWTHER VERSION – Bibeli Mimọ Orin Dafidi 122 Bible Online

Orin Dafidi 122 - YORUBA BIBLE CROWTHER VERSION – Bibeli Mimọ bible

Orin Dafidi 122

¹INU mi dùn nigbati nwọn wi fun mi pe, Ẹ jẹ ki a lọ si ile Oluwa.

²Ẹsẹ wa yio duro ni ẹnu-bode rẹ, iwọ Jerusalemu.

³Jerusalemu, iwọ ti a kọ́ bi ilu ti o fi ara mọra pọ̀ ṣọkan.

⁴Nibiti awọn ẹ̀ya ima gòke lọ, awọn ẹ̀ya Oluwa, ẹri fun Israeli, lati ma dupẹ fun orukọ Oluwa.

⁵Nitori ibẹ li a gbé itẹ́ idajọ kalẹ, awọn itẹ́ ile Dafidi.

⁶Gbadura fun alafia Jerusalemu: awọn ti o fẹ ọ yio ṣe rere.

⁷Ki alafia ki o wà ninu odi rẹ, ati ire ninu ãfin rẹ.

⁸Nitori awọn arakunrin ati awọn ẹgbẹ mi, emi o wi nisisiyi pe, Ki alafia ki o wà ninu rẹ!

⁹Nitori ile Oluwa Ọlọrun wa, emi o ma wá ire rẹ.