Read YORUBA BIBLE CROWTHER VERSION – Bibeli Mimọ Orin Dafidi 129 Bible Online

Orin Dafidi 129 - YORUBA BIBLE CROWTHER VERSION – Bibeli Mimọ bible

Orin Dafidi 129

¹IGBA pupọ̀ ni nwọn ti npọ́n mi loju lati igba-ewe mi wá, ni ki Israeli ki o wi nisisiyi.

²Igba pupọ̀ ni nwọn ti npọ́n mi loju lati igba-ewe mi wá: sibẹ nwọn kò ti ibori mi.

³Awọn awalẹ̀ walẹ si ẹhin mi: nwọn si la aporo wọn gigun.

⁴Olododo li Oluwa: o ti ke okùn awọn enia buburu kuro.

⁵Ki gbogbo awọn ti o korira Sioni ki o dãmu, ki nwọn ki o si yi ẹhin pada.

⁶Ki nwọn ki o dabi koriko ori-ile ti o gbẹ danu, ki o to dagba soke:

⁷Eyi ti oloko pipa kò kún ọwọ rẹ̀; bẹ̃li ẹniti ndi ití, kò kún apa rẹ̀.

⁸Bẹ̃li awọn ti nkọja lọ kò wipe, Ibukún Oluwa ki o pẹlu nyin: awa sure fun nyin li orukọ Oluwa.