Read YORUBA BIBLE CROWTHER VERSION – Bibeli Mimọ Orin Dafidi 136 Bible Online

Orin Dafidi 136 - YORUBA BIBLE CROWTHER VERSION – Bibeli Mimọ bible

Orin Dafidi 136

¹Ẹ fi ọpẹ fun Oluwa: nitoriti o ṣeun; nitori ti ãnu rẹ̀ duro lailai.

²Ẹ fi ọpẹ fun Ọlọrun awọn ọlọrun: nitori ti ãnu rẹ̀ duro lailai.

³Ẹ fi ọpẹ fun Oluwa awọn oluwa: nitori ti ãnu rẹ̀ duro lailai.

⁴Fun on nikan ti nṣe iṣẹ iyanu nla: nitori ti ãnu rẹ̀ duro lailai.

⁵Fun ẹniti o fi ọgbọ́n da ọrun: nitori ti ãnu rẹ̀ duro lailai.

⁶Fun ẹniti o tẹ́ ilẹ lori omi: nitori ti ãnu rẹ̀ duro lailai.

⁷Fun ẹniti o dá awọn imọlẹ nla: nitori ti ãnu rẹ̀ duro lailai.

⁸Õrùn lati jọba ọsan: nitori ti ãnu rẹ̀ duro lailai:

⁹Oṣupa ati irawọ lati jọba oru: nitori ti ãnu rẹ̀ duro lailai.

¹⁰Fun ẹniti o kọlù Egipti lara awọn akọbi wọn: nitori ti ãnu rẹ̀ duro lailai.

¹¹O si mu Israeli jade kuro lãrin wọn: nitori ti ãnu rẹ̀ duro lailai:

¹²Pẹlu ọwọ agbara, ati apa ninà: nitori ti ãnu rẹ̀ duro lailai.

¹³Fun ẹniti o pin Okun pupa ni ìya: nitori ti ãnu rẹ̀ duro lailai:

¹⁴O si mu Israeli kọja lọ larin rẹ̀: nitori ti ãnu rẹ̀ duro lailai.

¹⁵Ṣugbọn o bi Farao ati ogun rẹ̀ ṣubu ninu Okun pupa: nitori ti ãnu rẹ̀ duro lailai.

¹⁶Fun ẹniti o sin awọn enia rẹ̀ la aginju ja: nitori ti ãnu rẹ̀ duro lailai.

¹⁷Fun ẹniti o kọlù awọn ọba nla: nitori ti ãnu rẹ̀ duro lailai.

¹⁸O si pa awọn ọba olokiki: nitori ti ãnu rẹ̀ duro lailai.

¹⁹Sihoni, ọba awọn ara Amori: nitori ti ãnu rẹ̀ duro lailai.

²⁰Ati Ogu, ọba Baṣani: nitori ti ãnu rẹ̀ duro lailai.

²¹O si fi ilẹ wọn funni ni ini, nitori ti ãnu rẹ̀ duro lailai.

²²Ini fun Israeli, iranṣẹ rẹ̀; nitori ti ãnu rẹ̀ duro lailai.

²³Ẹniti o ranti wa ni ìwa irẹlẹ wa; nitori ti ãnu rẹ̀ duro lailai.

²⁴O si dá wa ni ìde lọwọ awọn ọta wa; nitori ti ãnu rẹ̀ duro lailai.

²⁵Ẹniti o nfi onjẹ fun ẹda gbogbo: nitori ti ãnu rẹ̀ duro lailai;

²⁶Ẹ fi ọpẹ fun Ọlọrun ọrun; nitori ti ãnu rẹ̀ duro lailai.