Read YORUBA BIBLE CROWTHER VERSION – Bibeli Mimọ Orin Dafidi 29 Bible Online

Orin Dafidi 29 - YORUBA BIBLE CROWTHER VERSION – Bibeli Mimọ bible

Orin Dafidi 29

¹Ẹ FI fun Oluwa, ẹnyin ọmọ awọn alagbara, ẹ fi ogo ati agbara fun Oluwa.

²Ẹ fi ogo fun Oluwa, ti o yẹ fun orukọ rẹ̀; ẹ ma sìn Oluwa ninu ẹwà ìwa-mimọ́.

³Ohùn Oluwa mbẹ lori omi pupọ̀: Ọlọrun ogo nsán ãrá: Oluwa mbẹ lori omi pupọ̀.

⁴Ohùn Oluwa li agbara; ohùn Oluwa ni ọlánla.

⁵Ohùn Oluwa nfà igi kedari ya; lõtọ, Oluwa nfà igi kedari Lebanoni ya.

⁶O mu wọn fò pẹlu bi ọmọ-malu; Lebanoni on Sirioni bi ọmọ agbanrere.

⁷Ohùn Oluwa nyà ọwọ iná,

⁸Ohùn Oluwa nmì aginju; Oluwa nmì aginju Kadeṣi.

⁹Ohùn Oluwa li o nmu abo agbọnrin bi, o si fi igbo didi hàn: ati ninu tempili rẹ̀ li olukuluku nsọ̀rọ ogo rẹ̀.

¹⁰Oluwa joko lori iṣan-omi; nitõtọ, Oluwa joko bi Ọba lailai.

¹¹Oluwa yio fi agbara fun awọn enia rẹ̀; Oluwa yio fi alafia busi i fun awọn enia rẹ̀.