Read YORUBA BIBLE CROWTHER VERSION – Bibeli Mimọ Orin Dafidi 47 Bible Online

Orin Dafidi 47 - YORUBA BIBLE CROWTHER VERSION – Bibeli Mimọ bible

Orin Dafidi 47

¹ẸNYIN enia, gbogbo ẹ ṣapẹ; ẹ fi ohùn ayọ̀ hó ihó iṣẹgun si Ọlọrun.

²Nitori Oluwa Ọga-ogo li ẹ̀ru; on li ọba nla lori ilẹ-aiye gbogbo.

³On ni yio ṣẹ́ awọn enia labẹ wa, ati awọn orilẹ-ède li atẹlẹsẹ wa.

⁴On ni yio yàn ilẹ-ini wa fun wa, ọlá Jakobu, ẹniti o fẹ.

⁵Ọlọrun gòke lọ ti on ti ariwo, Oluwa, ti on ti iró ipè.

⁶Ẹ kọrin iyìn si Ọlọrun, ẹ kọrin iyìn: ẹ kọrin iyìn si Ọba wa, ẹ kọrin iyìn.

⁷Nitori Ọlọrun li Ọba gbogbo aiye: ẹ fi oye kọrin iyìn.

⁸Ọlọrun jọba awọn keferi: Ọlọrun joko lori itẹ ìwa-mimọ́ rẹ̀.

⁹Awọn alade awọn enia kó ara wọn jọ, ani awọn enia Ọlọrun Abrahamu: nitori asà aiye ti Ọlọrun ni: on li a gbe leke jọjọ.