Read YORUBA BIBLE CROWTHER VERSION – Bibeli Mimọ Orin Dafidi 6 Bible Online

Orin Dafidi 6 - YORUBA BIBLE CROWTHER VERSION – Bibeli Mimọ bible

Orin Dafidi 6

¹OLUWA, máṣe ba mi wi ni ibinu rẹ, ki iwọ ki o má ṣe nà mi ni gbigbona ibinujẹ rẹ.

²Oluwa, ṣãnu fun mi; nitori ailera mi: Oluwa, mu mi lara da; nitori ti ara kan egungun mi.

³Ara kan ọkàn mi gogo pẹlu: ṣugbọn iwọ, Oluwa, yio ti pẹ to!

⁴Pada, Oluwa, gbà ọkàn mi: gbà mi là nitori ãnu rẹ.

⁵Nitoriti kò si iranti rẹ ninu okú: ninu isa okú tani yio dupẹ fun ọ?

⁶Agara ikerora mi da mi: li oru gbogbo li emi nmu ẹní mi fó li oju omi; emi fi omije mi rin ibusùn mi.

⁷Oju mi bajẹ tan nitori ibinujẹ; o di ogbó tan nitori gbogbo awọn ọta mi.

⁸Ẹ lọ kuro lọdọ mi, gbogbo ẹnyin oniṣẹ ẹ̀ṣẹ; nitori ti Oluwa gbọ́ ohùn ẹkún mi.

⁹Oluwa gbọ́ ẹ̀bẹ mi; Oluwa yio gbà adura mi.

¹⁰Oju yio tì gbogbo awọn ọta mi, ara yio sì kan wọn gogo: nwọn o pada, oju yio tì wọn lojíji.