Read YORUBA BIBLE CROWTHER VERSION – Bibeli Mimọ Owe 9 Bible Online

Owe 9 - YORUBA BIBLE CROWTHER VERSION – Bibeli Mimọ bible

Owe 9

¹ỌGBỌ́N ti kọ́ ile rẹ̀, o si gbẹ́ ọwọ̀n rẹ̀ meje:

²O ti pa ẹran rẹ̀; o ti ṣe àdalu ọti-waini rẹ̀; o si ti tẹ́ tabili rẹ̀.

³O ti ran awọn ọmọbinrin rẹ̀ jade, o nke lori ibi giga ilu, pe,

⁴Ẹnikẹni ti o ṣe òpe ki o yà si ihin: fun ẹniti oye kù fun, o wipe,

⁵Wá, jẹ ninu onjẹ mi, ki o si mu ninu ọti-waini mi ti mo dàlu.

⁶Kọ̀ iwere silẹ ki o si yè; ki o si ma rìn li ọ̀na oye.

⁷Ẹniti o ba ba ẹlẹgàn wi, yio gba itiju fun ara rẹ̀, ati ẹniti o ba ba enia buburu wi yio gbà àbuku rẹ̀.

⁸Máṣe ba ẹlẹgàn wi, ki o má ba korira rẹ, ba ọlọgbọ́n enia wi, yio si ma fẹ ọ.

⁹Fi ẹkọ́ fun ọlọgbọ́n enia, yio si ma gbọ́n siwaju, kọ́ enia olõtọ, yio si ma fẹ ọ.

¹⁰Ibẹ̀ru Oluwa ni ipilẹṣẹ ọgbọ́n: ati ìmọ Ẹni-Mimọ́ li oye.

¹¹Nitori nipasẹ mi li ọjọ rẹ yio ma lé si i, ati ọdun ìye rẹ yio si ma lé si i.

¹²Bi iwọ ba gbọ́n, iwọ o gbọ́n fun ara rẹ: ṣugbọn bi iwọ ba iṣe ẹlẹgàn, iwọ nikan ni yio rù u.

¹³Alaroye li aṣiwere obinrin: òpe ni kò si mọ̀ nkan.

¹⁴O sa joko li ẹnu-ọ̀na ile rẹ̀, lori apoti, ni ibi giga ilu.

¹⁵Lati ma pè awọn ti nkọja nibẹ, ti nrìn ọ̀na ganran wọn lọ: pe,

¹⁶Ẹnikẹni ti o ba ṣe òpe, ki o yà si ìhin: ẹniti oye kù fun, o wi fun u pe,

¹⁷Omi ole dùn, ati onjẹ ikọkọ si ṣe didùn.

¹⁸Ṣugbọn on kò mọ̀ pe awọn okú wà nibẹ: ati pe awọn alapejẹ rẹ̀ wà ni isalẹ ọrun-apadi.