Read YORUBA BIBLE CROWTHER VERSION – Bibeli Mimọ Numeri 33 Bible Online

Numeri 33 - YORUBA BIBLE CROWTHER VERSION – Bibeli Mimọ bible

Numeri 33

¹WỌNYI ni ìrin awọn ọmọ Israeli, ti o ti ilẹ Egipti jade wá pẹlu awọn ogun wọn, nipa ọwọ́ Mose ati Aaroni.

²Mose si kọwe ijadelọ wọn gẹgẹ bi ìrin wọn, nipa aṣẹ OLUWA; wọnyi si ni ìrin wọn gẹgẹ bi ijadelọ wọn.

³Nwọn si ṣí kuro ni Ramesesi li oṣù kini, ni ijọ́ kẹdogun oṣù kini na; ni ijọ́ keji ajọ irekọja li awọn ọmọ Israeli jade pẹlu ọwọ́ giga li oju gbogbo awọn ara Egipti.

⁴Bi awọn ara Egipti ti nsinkú gbogbo awọn akọ́bi wọn ti OLUWA kọlù ninu wọn: lara awọn oriṣa wọn pẹlu li OLUWA ṣe idajọ.

⁵Awọn ọmọ Israeli si ṣí kuro ni Ramesesi, nwọn si dó si Sukkotu.

⁶Nwọn si ṣí kuro ni Sukkotu, nwọn si dó si Etamu, ti mbẹ leti aginjù.

⁷Nwọn si ṣí kuro ni Etamu, nwọn si pada lọ si Pi-hahirotu, ti mbẹ niwaju Baali-sefoni: nwọn si dó siwaju Migdolu.

⁸Nwọn si ṣí kuro niwaju Hahirotu, nwọn si là ãrin okun já lọ si aginjù: nwọn si rìn ìrin ijọ́ mẹta li aginjù Etamu, nwọn si dó si Mara.

⁹Nwọn si ṣí kuro ni Mara, nwọn si wá si Elimu: ni Elimu ni orisun omi mejila, ati ãdọrin igi ọpẹ wà; nwọn si dó sibẹ̀.

¹⁰Nwọn si ṣí kuro ni Elimu, nwọn si dó si ẹba Okun Pupa.

¹¹Nwọn si ṣí kuro li Okun Pupa, nwọn si dó si aginjù Sini.

¹²Nwọn si ṣí kuro ni aginjù Sini, nwọn si dó si Dofka.

¹³Nwọn si ṣí kuro ni Dofka, nwọn si dó si Aluṣi.

¹⁴Nwọn si ṣí kuro ni Aluṣi, nwọn si dó si Refidimu, nibiti omi kò gbé sí fun awọn enia na lati mu.

¹⁵Nwọn si ṣí kuro ni Refidimu, nwọn si dó si aginjù Sinai.

¹⁶Nwọn si ṣí kuro ni aginjù Sinai, nwọn si dó si Kibrotu-hattaafa.

¹⁷Nwọn si ṣí kuro ni Kibrotu-hattaafa, nwọn si dó si Haserotu.

¹⁸Nwọn si ṣí kuro ni Haserotu, nwọn si dó si Ritma.

¹⁹Nwọn si ṣí kuro ni Ritma, nwọn si dó si Rimmon-peresi.

²⁰Nwọn si ṣí kuro ni Rimmon-peresi, nwọn si dó si Libna.

²¹Nwọn si ṣí kuro ni Libna, nwọn si dó si Rissa.

²²Nwọn si ṣí kuro ni Rissa, nwọn si dó si Kehelata.

²³Nwọn si ṣí kuro ni Kehelata, nwọn si dó si òke Ṣeferi.

²⁴Nwọn si ṣí kuro ni òke Ṣeferi, nwọn si dó si Harada.

²⁵Nwọn si ṣí kuro ni Harada, nwọn si dó si Makhelotu.

²⁶Nwọn si ṣí kuro ni Makhelotu, nwọn si dó si Tahati.

²⁷Nwọn si ṣí kuro ni Tahati, nwọn si dó si Tera.

²⁸Nwọn si ṣí kuro ni Tera, nwọn si dó si Mitka.

²⁹Nwọn si ṣí kuro ni Mitka, nwọn si dó si Haṣmona.

³⁰Nwọn si ṣí kuro ni Haṣmona, nwọn si dó si Moserotu.

³¹Nwọn si ṣí kuro ni Moserotu, nwọn si dó si Bene-jaakani.

³²Nwọn si ṣí kuro ni Bene-jaakani, nwọn si dó si Hori-haggidgadi.

³³Nwọn si ṣí kuro ni Hori-haggidgadi, nwọn si dó si Jotbata.

³⁴Nwọn si ṣí kuro ni Jotbata, nwọn si dó si Abrona.

³⁵Nwọn si ṣí kuro ni Abrona, nwọn si dó si Esion-geberi.

³⁶Nwọn si ṣí kuro ni Esion-geberi, nwọn si dó si aginjù Sini, (ti ṣe Kadeṣi),

³⁷Nwọn si ṣí kuro ni Kadeṣi, nwọn si dó si òke Hori, leti ilẹ Edomu.

³⁸Aaroni alufa si gùn òke Hori lọ nipa aṣẹ OLUWA, o si kú nibẹ̀, li ogoji ọdún lẹhin ti awọn ọmọ Israeli ti ilẹ Egipti jade wá, li ọjọ́ kini oṣù karun.

³⁹Aaroni si jẹ́ ẹni ọgọfa ọdún o le mẹta nigbati o kú li òke Hori.

⁴⁰Ara Kenaani, ọba Aradi, ti ngbé ìha gusù ni ilẹ Kenaani, o gburó pe awọn ọmọ Israeli mbọ̀.

⁴¹Nwọn si ṣí kuro ni òke Hori, nwọn si dó si Salmona.

⁴²Nwọn si ṣí ni Salmona, nwọn si dó si Punoni.

⁴³Nwọn si ṣí kuro ni Punoni, nwọn si dó si Obotu.

⁴⁴Nwọn si ṣí kuro ni Obotu, nwọn si dó si Iye-abarimu, li àgbegbe Moabu.

⁴⁵Nwọn si ṣí kuro ni Iyimu, nwọn si dó si Dibon-gadi.

⁴⁶Nwọn si ṣí kuro ni Dibon-gadi, nwọn si dó si Almon-diblataimu.

⁴⁷Nwọn si ṣí kuro ni Almon-diblataimu, nwọn si dó si òke Abarimu, niwaju Nebo.

⁴⁸Nwọn si ṣí kuro ni òke Abarimu, nwọn si dó si pẹtẹlẹ̀ Moabu lẹba Jordani leti Jeriko.

⁴⁹Nwọn si dó si ẹba Jordani, lati Beti-jeṣimotu titi dé Abeli-ṣittimu ni pẹtẹlẹ̀ Moabu.

⁵⁰OLUWA si sọ fun Mose ni pẹtẹlẹ̀ Moabu lẹba Jordani leti Jeriko, wipe,

⁵¹Sọ fun awọn ọmọ Israeli, ki o si wi fun wọn pe, Nigbati ẹnyin ba gòke odò Jordani si ilẹ Kenaani:

⁵²Nigbana ni ki ẹnyin ki o lé gbogbo awọn ara ilẹ na kuro niwaju nyin; ki ẹnyin si run gbogbo aworán wọn, ki ẹnyin si run gbogbo ere didà wọn, ki ẹnyin si wó gbogbo ibi giga wọn palẹ:

⁵³Ki ẹnyin ki o si gbà ilẹ na, ki ẹnyin ki o si ma gbé inu rẹ̀: nitoripe mo ti fi ilẹ na fun nyin lati ní i.

⁵⁴Ki ẹnyin ki o si fi keké pín ilẹ na ni iní fun awọn idile nyin; fun ọ̀pọ ni ki ẹnyin ki o fi ilẹ-iní pupọ̀ fun, ati fun diẹ ni ki ẹnyin ki o fi ilẹ-iní diẹ fun: ki ilẹ-iní olukuluku ki o jẹ́ ibiti keké rẹ̀ ba bọ́ si; gẹgẹ bi ẹ̀ya awọn baba nyin ni ki ẹnyin ki o ní i.

⁵⁵Ṣugbọn bi ẹnyin kò ba lé awọn ara ilẹ na kuro niwaju nyin; yio si ṣe, awọn ti ẹnyin jẹ ki o kù ninu wọn yio di ẹgún si oju nyin, ati ẹgún si nyin ni ìha, nwọn o si ma yọ nyin lẹnu ni ilẹ na, ninu eyiti ẹnyin ngbé.

⁵⁶Yio si ṣe, bi emi ti rò lati ṣe si wọn, bẹ̃ni emi o ṣe si nyin.