Read YORUBA BIBLE CROWTHER VERSION – Bibeli Mimọ Joṣua 15 Bible Online

Joṣua 15 - YORUBA BIBLE CROWTHER VERSION – Bibeli Mimọ bible

Joṣua 15

¹ILẸ ẹ̀ya awọn ọmọ Juda gẹgẹ bi idile wọn si dé àgbegbe Edomu, ni aginjù Sini, ni ìha gusù, ni apa ipẹkun gusù.

²Ati àla gusù wọn ni lati eti Okun Iyọ̀ lọ, lati ibi kọ̀rọ omi nì lọ ti o dojukọ ìha gusù:

³O si lọ si apa gusù òke Akrabbimu, o si lọ si Sini, o si gòke lọ ni ìha gusù Kadeṣi-barnea, o si lọ ni ìha Hesroni, o si gòke lọ si Adari, o si yiká lọ dé Karka:

⁴Lati ibẹ̀ o lọ dé Asmoni, o si nà lọ si odò Egipti; opín ilẹ na si yọ si okun: eyi ni yio jẹ́ àla ni gusù nyin.

⁵Ati àla ìha ìla-õrùn ni Okun Iyọ̀, ani titi dé ipẹkun Jordani. Ati àla apa ariwa ni lati kọ̀rọ okun nì wá dé ipẹkun Jordani:

⁶Àla na si gòke lọ si Beti-hogla, o si kọja lọ ni ìha ariwa Beti-araba; àla na si gòke lọ si okuta Bohani ọmọ Reubeni:

⁷Àla na si gòke lọ si Debiri lati afonifoji Akoru, ati bẹ̃ lọ si ìha ariwa, ti o dojukọ Gilgali, ti mbẹ niwaju òke Adummimu, ti mbẹ ni ìha gusù odò na: àla si kọja si apa omi Eni-ṣemeṣi, o si yọ si Eni-rogeli:

⁸Àla na si gòke lọ si ìha afonifoji ọmọ Hinnomu si ìha gusù ti Jebusi (ti iṣe Jerusalemu): àla na si gòke lọ si ori òke nla ti mbẹ niwaju afonifoji Hinnomu ni ìha ìwọ-õrùn, ti mbẹ ni ipẹkun afonifoji Refaimu ni ìha ariwa:

⁹A si fà àla na lati ori òke lọ si isun omi Neftoa, o si nà lọ si ilu òke Efroni; a si fà àla na lọ si Baala, (ti iṣe Kirjati-jearimu:)

¹⁰Àla na yi lati Baala lọ si ìha ìwọ-õrùn si òke Seiri, o si kọja lọ si ẹba òke Jearimu (ti ṣe Kesaloni), ni ìha ariwa, o si sọkalẹ lọ si Beti-ṣemeṣi, o si kọja lọ si Timna:

¹¹Àla na si kọja lọ si ẹba Ekroni si ìha ariwa: a si fà àla na lọ dé Ṣikroni, o si kọja lọ si òke Baala, o si yọ si Jabneeli; àla na si yọ si okun.

¹²Àla ìwọ-õrùn si dé okun nla, ati àgbegbe rẹ̀. Eyi ni àla awọn ọmọ Juda yiká kiri gẹgẹ bi idile wọn.

¹³Ati fun Kalebu ọmọ Jefunne li o fi ipín fun lãrin awọn ọmọ Juda, gẹgẹ bi aṣẹ OLUWA fun Joṣua, ani Kiriati-arba (ti iṣe Hebroni); Arba si ni baba Anaki.

¹⁴Kalebu si lé awọn ọmọ Anaki mẹta kuro nibẹ̀, Ṣeṣai, ati Ahimani, ati Talmai, awọn ọmọ Anaki.

¹⁵O si gòke lati ibẹ̀ tọ̀ awọn ara Debiri lọ: orukọ Debiri lailai rí ni Kiriati-seferi.

¹⁶Kalebu si wipe, Ẹniti o ba kọlù Kiriati-seferi, ti o sì kó o, on li emi o fi Aksa ọmọbinrin mi fun li aya.

¹⁷Otnieli ọmọ Kenasi, arakunrin Kalebu, si kó o: o si fi Aksa ọmọbinrin rẹ̀ fun u li aya.

¹⁸O si ṣe, bi Aksa ti dé ọdọ rẹ̀, o mu u bère ọ̀rọ kan lọwọ baba rẹ̀: Aksa si sọkalẹ lori kẹtẹkẹtẹ rẹ̀; Kalebu si wi fun u pe, Kini iwọ nfẹ́?

¹⁹On si dahùn pe, Ta mi li ọrẹ kan; nitoriti iwọ ti fun mi ni ilẹ Gusù, fun mi ni isun omi pẹlu. O si fi isun òke ati isun isalẹ fun u.

²⁰Eyi ni ilẹ-iní ẹ̀ya awọn ọmọ Juda gẹgẹ bi idile wọn.

²¹Ilu ipẹkun ẹ̀ya awọn ọmọ Juda li àgbegbe Edomu ni Gusù ni Kabseeli, ati Ederi, ati Jaguri;

²²Ati Kina, ati Dimona, ati Adada;

²³Ati Kedeṣi, ati Hasori, ati Itnani;

²⁴Sifu, ati Telemu, ati Bealotu;

²⁵Ati Haṣori-hadatta, ati Keriotu-hesroni (ti iṣe Hasori);

²⁶Amamu, ati Ṣema, ati Molada;

²⁷Ati Hasari-gada, ati Heṣmoni, ati Beti-peleti;

²⁸Ati Hasari-ṣuali, ati Beeri-ṣeba, ati Bisi-otia;

²⁹Baala, ati Iimu, ati Esemu;

³⁰Ati Eltoladi, ati Kesili, ati Horma;

³¹Ati Siklagi, ati Madmanna, ati Sansanna;

³²Ati Lebaotu, ati Ṣilhimu, ati Aini, ati Rimmoni: gbogbo ilu na jasi mọkandilọgbọ̀n, pẹlu ileto wọn.

³³Ni pẹtẹlẹ̀, Eṣtaoli, ati Sora, ati Aṣna;

³⁴Ati Sanoa, ati Eni-gannimu Tappua, ati Enamu;

³⁵Jarmutu, ati Adullamu, Soko, ati Aseka;

³⁶Ati Ṣaaraimu, ati Aditaimu, ati Gedera, ati Gederotaimu; ilu mẹrinla pẹlu ileto wọn.

³⁷Senani, ati Hadaṣa, ati Migdali-gadi;

³⁸Ati Dilani, ati Mispe, ati Jokteeli;

³⁹Lakiṣi, ati Boskati, ati Egloni;

⁴⁰Ati Kabboni, ati Lamamu, ati Kitliṣi;

⁴¹Ati Gederotu, Beti-dagoni, ati Naama, ati Makkeda; ilu mẹrindilogun pẹlu ileto wọn.

⁴²Libna, ati Eteri, ati Aṣani;

⁴³Ati Ifta, ati Aṣna, ati Nesibu;

⁴⁴Ati Keila, ati Aksibu, ati Mareṣa; ilu mẹsan pẹlu ileto wọn.

⁴⁵Ekroni, pẹlu awọn ilu rẹ̀ ati awọn ileto rẹ̀:

⁴⁶Lati Ekroni lọ ani titi dé okun, gbogbo eyiti mbẹ leti Aṣdodu, pẹlu ileto wọn.

⁴⁷Aṣdodu, pẹlu ilu rẹ̀ ati ileto rẹ̀; Gasa, pẹlu ilu rẹ̀ ati ileto rẹ̀; dé odò Egipti, ati okun nla, ati àgbegbe rẹ̀.

⁴⁸Ati ni ilẹ òke, Ṣamiri, ati Jattiri, ati Soko;

⁴⁹Ati Dana, ati Kiriati-sana (ti ṣe Debiri);

⁵⁰Ati Anabu, ati Eṣtemo, ati Animu;

⁵¹Ati Goṣeni, ati Holoni, ati Gilo; ilu mọkanla pẹlu ileto wọn.

⁵²Arabu, ati Duma, ati Eṣani;

⁵³Ati Janimu, ati Beti-tappua, ati Afeka;

⁵⁴Ati Humta, ati Kiriati-arba (ti iṣe Hebroni), ati Siori; ilu meṣan pẹlu ileto wọn.

⁵⁵Maoni, Karmeli, ati Sifu, ati Juta;

⁵⁶Ati Jesreeli, ati Jokdeamu, ati Sanoa;

⁵⁷Kaini, Gibea, ati Timna; ilu mẹwa pẹlu ileto wọn.

⁵⁸Halhulu, Beti-suru, ati Gedori;

⁵⁹Ati Maarati, ati Beti-anotu, ati Eltekoni; ilu mẹfa pẹlu ileto wọn.

⁶⁰Kiriati-baali (ti iṣe Kiriati-jearimu), ati Rabba; ilu meji pẹlu ileto wọn.

⁶¹Li aginjù, Beti-araba, Middini, ati Sekaka;

⁶²Ati Nibṣani, ati Ilu Iyọ̀, ati Eni-gedi; ilu mẹfa pẹlu ileto wọn.

⁶³Bi o si ṣe ti awọn Jebusi nì, awọn ara Jerusalemu, awọn ọmọ Juda kò le lé wọn jade: ṣugbọn awọn Jebusi mbá awọn ọmọ Juda gbé ni Jerusalemu, titi di oni-oloni.