Read Y Beibl Cymraeg Newydd, New Welsh Bible, 1988 Genesis 5 Bible Online

Genesis 5 - Y Beibl Cymraeg Newydd, New Welsh Bible, 1988 bible

Genesis 5

¹Dyma lyfr cenedlaethau Adda. Pan greodd Duw bobl, gwnaeth hwy ar lun Duw.

²Fe'u creodd yn wryw ac yn fenyw, a bendithiodd hwy; ac ar ddydd eu creu fe'u galwodd yn ddyn.

³Bu Adda fyw am gant tri deg o flynyddoedd cyn geni mab iddo, ar ei lun a'i ddelw; a galwodd ef yn Seth.

⁴Wedi geni Seth, bu Adda fyw am wyth gan mlynedd, a bu iddo feibion a merched eraill.

⁵Felly yr oedd oes gyfan Adda yn naw cant tri deg o flynyddoedd; yna bu farw.

⁶Bu Seth fyw am gant a phump o flynyddoedd cyn geni iddo Enos.

⁷Ac wedi geni Enos, bu Seth fyw am wyth gant a saith o flynyddoedd, a bu iddo feibion a merched eraill.

⁸Felly yr oedd oes gyfan Seth yn naw cant a deuddeg o flynyddoedd; yna bu farw.

⁹Bu Enos fyw am naw deg o flynyddoedd cyn geni iddo Cenan.

¹⁰Ac wedi geni Cenan, bu Enos fyw am wyth gant a phymtheg o flynyddoedd, a bu iddo feibion a merched eraill.

¹¹Felly yr oedd oes gyfan Enos yn naw cant a phump o flynyddoedd; yna bu farw.

¹²Bu Cenan fyw am saith deg o flynyddoedd cyn geni iddo Mahalalel.

¹³Ac wedi geni Mahalalel, bu Cenan fyw am wyth gant pedwar deg o flynyddoedd, a bu iddo feibion a merched eraill.

¹⁴Felly yr oedd oes gyfan Cenan yn naw cant a deg o flynyddoedd; yna bu farw.

¹⁵Bu Mahalalel fyw am chwe deg a phump o flynyddoedd cyn geni iddo Jered.

¹⁶Ac wedi geni Jered, bu Mahalalel fyw am wyth gant tri deg o flynyddoedd, a bu iddo feibion a merched eraill.

¹⁷Felly yr oedd oes gyfan Mahalalel yn wyth gant naw deg a phump o flynyddoedd; yna bu farw.

¹⁸Bu Jered fyw am gant chwe deg a dwy o flynyddoedd cyn geni iddo Enoch.

¹⁹Ac wedi geni Enoch, bu Jered fyw am wyth gan mlynedd, a bu iddo feibion a merched eraill.

²⁰Felly yr oedd oes gyfan Jered yn naw cant chwe deg a dwy o flynyddoedd; yna bu farw.

²¹Bu Enoch fyw am chwe deg a phump o flynyddoedd cyn geni iddo Methwsela.

²²Wedi geni Methwsela, rhodiodd Enoch gyda Duw am dri chan mlynedd, a bu iddo feibion a merched eraill.

²³Felly yr oedd oes gyfan Enoch yn dri chant chwe deg a phump o flynyddoedd.

²⁴Rhodiodd Enoch gyda Duw, ac yna nid oedd mwyach, oherwydd cymerodd Duw ef.

²⁵Bu Methwsela fyw am gant wyth deg a saith o flynyddoedd cyn geni iddo Lamech.

²⁶Ac wedi geni Lamech, bu Methwsela fyw am saith gant wyth deg a dwy o flynyddoedd, a bu iddo feibion a merched eraill.

²⁷Felly yr oedd oes gyfan Methwsela yn naw cant chwe deg a naw o flynyddoedd; yna bu farw.

²⁸Bu Lamech fyw am gant wyth deg a dwy o flynyddoedd cyn geni iddo fab;

²⁹a galwodd ef yn Noa, a dweud, "Fe ddaw hwn � chysur i ni o waith a llafur ein dwylo yn y pridd a felltithiodd yr ARGLWYDD."

³⁰Ac wedi geni Noa, bu Lamech fyw am bum cant naw deg a phump o flynyddoedd, a bu iddo feibion a merched eraill.

³¹Felly yr oedd oes gyfan Lamech yn saith gant saith deg a saith o flynyddoedd; yna bu farw.

³²Bu Noa fyw am bum can mlynedd cyn geni iddo Sem, Cham a Jaffeth.