Read Y Beibl Cymraeg Newydd, New Welsh Bible, 1988 1 Brenhinoedd 4 Bible Online

1 Brenhinoedd 4 - Y Beibl Cymraeg Newydd, New Welsh Bible, 1988 bible

1 Brenhinoedd 4

¹Yr oedd Solomon yn frenin ar holl Israel.

²Dyma weinidogion y goron: Asareia fab Sadoc yn offeiriad;

³Elihoreff ac Ahia, meibion Sisa, yn ysgrifenyddion; Jehosaffat fab Ahilud yn gofiadur;

⁴Benaia fab Jehoiada yn bennaeth y fyddin; Sadoc ac Abiathar yn offeiriaid;

⁵Asareia fab Nathan yn bennaeth y rhaglawiaid; Sabud fab Nathan, yr offeiriad, yn gyfaill y brenin;

⁶Ahisar yn arolygwr y tu375?; Adoniram fab Abda yn swyddog llafur gorfod.

⁷Yr oedd gan Solomon ddeuddeg rhaglaw yn holl Israel yn gofalu am ymborth y brenin a'i du375?; am fis yn y flwyddyn y gofalai pob un am yr ymborth.

⁸Dyma'u henwau: Ben-hur yn ucheldir Effraim;

⁹Ben-decar yn Macas a Saalbim a Beth-semes ac Elon-beth-hanan;

¹⁰Ben-hesed yn Aruboth (ganddo ef yr oedd Socho a holl diriogaeth Heffer);

¹¹Ben-abinadab yn holl Naffath-dor (Taffath, merch Solomon, oedd ei wraig);

¹²Baana fab Ahilud yn Taanach a Megido a holl Beth-sean, sydd gerllaw Sartana, islaw Jesreel, o Beth-sean hyd Abel-mehola a thu hwnt i Jocmeam;

¹³Ben-geber yn Ramoth-gilead (ganddo ef yr oedd Hafoth-jair fab Manasse, sydd yn Gilead, a Hebel-argob, sydd yn Basan � trigain o ddinasoedd mawr � chaerau a barrau pres);

¹⁴Ahinadab fab Ido yn Mahanaim;

¹⁵Ahimaas yn Nafftali (cymerodd ef Basemath, merch Solomon, yn wraig);

¹⁶Baana fab Jusai yn Aser ac Aloth;

¹⁷Jehosaffat fab Parus yn Issachar;

¹⁸Simei fab Ela yn Benjamin;

¹⁹Geber fab Uri yn nhiriogaeth Gilead (gwlad Sihon brenin yr Amoriaid ac Og brenin Basan). Yr oedd un prif raglaw dros y wlad.

²⁰Yr oedd Jwda ac Israel mor niferus �'r tywod ar lan y m�r; yr oeddent yn bwyta ac yn yfed yn llawen.

²¹Yr oedd Solomon yn llywodraethu ar yr holl deyrnasoedd o afon Ewffrates drwy wlad Philistia at derfyn yr Aifft, a hwythau'n dwyn teyrnged ac yn gwasanaethu Solomon holl ddyddiau ei fywyd.

²²Ymborth beunyddiol Solomon oedd deg corus ar hugain o beilliaid a thrigain corus o flawd;

²³deg o ychen pasgedig, ac ugain o ychen o'r borfa, a chant o ddefaid, heblaw ceirw, gafrewigod, ewigod, a dofednod breision.

²⁴Yr oedd yn llywodraethu'n frenin dros y gwledydd i'r gorllewin o'r Ewffrates, o Tiffsa hyd Gasa, dros yr holl frenhinoedd i'r gorllewin o'r afon.

²⁵Cafodd heddwch ar bob tu, ac yr oedd Jwda ac Israel yn trigo'n ddiogel, holl ddyddiau Solomon, pob un dan ei winwydden a'i ffigysbren, o Dan hyd Beerseba.

²⁶Yr oedd gan Solomon ddeugain mil o bresebau ar gyfer ei geffylau-cerbyd, a deuddeng mil o feirch.

²⁷Gofalai'r rhaglawiaid hynny, pob un yn ei fis, am ymborth ar gyfer y Brenin Solomon a phawb a dd�i at ei fwrdd; nid oedd dim yn eisiau.

²⁸Dygent hefyd haidd a gwellt i'r ceffylau a'r meirch cyflym, i'r man lle'r oedd i fod, pob un yn �l a ddisgwylid ganddo.

²⁹Rhoddodd Duw i Solomon ddoeth-ineb a deall helaeth, ac amgyffrediad mor eang � thraeth y m�r.

³⁰Rhagorodd doethineb Solomon ar ddoethineb holl bobl y Dwyrain a'r Aifft;

³¹yr oedd yn ddoethach nag unrhyw un, hyd yn oed Ethan yr Esrahiad, neu Heman, Calcol a Darda, meibion Mahol; yr oedd ei fri wedi ymledu trwy'r holl genhedloedd oddi amgylch.

³²Llefarodd dair mil o ddiarhebion, ac yr oedd ei ganeuon yn rhifo mil a phump.

³³Traethodd am brennau, o'r cedrwydd sydd yn Lebanon hyd yr isop sy'n tyfu o'r pared; hefyd am anifeiliaid ac ehediaid, am ymlusgiaid a physgod.

³⁴Daethant o bob cenedl i wrando doethineb Solomon, ac o blith holl frenhinoedd y ddaear a glywodd am ei ddoethineb.