Read Y Beibl Cymraeg Newydd, New Welsh Bible, 1988 Job 11 Bible Online

Job 11 - Y Beibl Cymraeg Newydd, New Welsh Bible, 1988 bible

Job 11

¹Atebodd Soffar y Naamathiad:

²Oni ddylid ateb y pentyrru hwn ar eiriau? A gyfiawnheir rhywun siaradus?

³A wneir pawb yn fud gan dy faldorddi? A gei di watwar heb neb i'th geryddu?

⁴Dywedaist, 'Y mae f'athrawiaeth yn bur, a dilychwin wyf yn d'olwg.'

⁵O na lefarai Duw, ac agor ei wefusau i siarad � thi,

⁶a hysbysu iti gyfrinachau doethineb, a bod dwy ochr i ddeall! Yna gwybydd fod Duw yn anghofio peth o'th gamwedd.

⁷A elli di ddarganfod dirgelwch Duw, neu gyrraedd at gyflawnder yr Hollalluog?

⁸Y mae'n uwch na'r nefoedd. Beth a wnei di? Y mae'n is na Sheol. Beth a wyddost ti?

⁹Y mae ei fesur yn hwy na'r ddaear, ac yn ehangach na'r m�r.

¹⁰Os daw ef heibio, i garcharu neu i alw llys barn, pwy a'i rhwystra?

¹¹Oherwydd y mae ef yn adnabod pobl dwyllodrus, a phan w�l ddrygioni, onid yw'n sylwi arno?

¹²A ddaw'r dwl yn ddeallus � asyn gwyllt yn cael ei eni'n ddyn?

¹³Os cyfeiri dy feddwl yn iawn, fe estynni dy ddwylo tuag ato;

¹⁴ac os oes drygioni ynot, bwrw ef ymhell oddi wrthyt, ac na thriged anghyfiawnder yn dy bebyll;

¹⁵yna gelli godi dy olwg heb gywilydd, a byddi'n gadarn a di-ofn.

¹⁶Fe anghofi orthrymder; fel du373?r a giliodd y cofi amdano.

¹⁷Bydd gyrfa bywyd yn oleuach na chanol dydd, a'r gwyll fel boreddydd.

¹⁸Byddi'n hyderus am fod gobaith, ac wedi edrych o'th gwmpas, fe orweddi'n ddiogel.

¹⁹Fe orffwysi heb neb i'th ddychryn; a bydd llawer yn ceisio dy ffafr.

²⁰Palla llygaid y drygionus, diflanna ymwared oddi wrthynt, a'u gobaith yw'r anadl olaf."