Read Y Beibl Cymraeg Newydd, New Welsh Bible, 1988 Job 13 Bible Online

Job 13 - Y Beibl Cymraeg Newydd, New Welsh Bible, 1988 bible

Job 13

¹Gwelodd fy llygad hyn i gyd; clywodd fy nghlust ef, a'i ddeall.

²Rwyf finnau'n deall gystal � chwithau; nid wyf yn ddim salach na chwi.

³Eto �'r Hollalluog y dymunaf siarad, a dadlau fy achos gyda Duw;

⁴ond yr ydych chwi'n palu celwydd, a'r cwbl ohonoch yn plethu anwiredd.

⁵O na fyddech yn cadw'n ddistaw! Hynny a fyddai'n ddoeth i chwi.

⁶Gwrandewch yn awr ar fy achos, a rhowch ystyriaeth i'm dadl.

⁷A ddywedwch gelwydd dros Dduw, a thwyll er ei fwyn?

⁸A gymerwch chwi ei blaid, a dadlau dros Dduw?

⁹A fydd yn dda arnoch pan chwilia ef chwi? A ellwch ei dwyllo ef fel y twyllir meidrolyn?

¹⁰Bydd ef yn sicr o'ch ceryddu os cymerwch ffafriaeth yn y dirgel.

¹¹Onid yw ei fawredd yn eich dychryn? Oni ddisgyn ei arswyd arnoch?

¹²Geiriau lludw yw eich gwirebau, a chlai yw eich amddiffyniad.

¹³Byddwch ddistaw, a gadewch i mi lefaru, a doed a ddelo arnaf.

¹⁴Cymeraf fy nghnawd rhwng fy nannedd, a'm heinioes yn fy nwylo.

¹⁵Yn sicr, fe'm lladd; nid oes gobaith imi; eto amddiffynnaf fy muchedd o'i flaen.

¹⁶A hyn sy'n rhoi hyder i mi, na all neb annuwiol fynd ato.

¹⁷Gwrandewch yn astud ar fy ngeiriau, a rhowch glust i'm tystiolaeth.

¹⁸Dyma fi wedi trefnu f'achos; gwn y caf fy nghyfiawnhau.

¹⁹Pwy sydd i ddadlau � mi, i wneud imi dewi a rhoi i fyny'r ysbryd?

²⁰Gwna ddau beth yn unig imi, ac nid ymguddiaf oddi wrthyt:

²¹symud dy law oddi arnaf, fel na'm dychryner gan dy arswyd;

²²yna galw arnaf ac atebaf finnau, neu gad i mi siarad a rho di ateb.

²³Beth yw nifer fy meiau a'm pechodau? Dangos imi fy nhrosedd a'm pechod.

²⁴Pam yr wyt yn cuddio dy wyneb, ac yn f'ystyried yn elyn iti?

²⁵A ddychryni di ddeilen grin, ac ymlid soflyn sych?

²⁶Oherwydd dygaist bethau chwerw yn f'erbyn, a gwneud imi etifeddu drygioni fy ieuenctid.

²⁷Gosodaist fy nhraed mewn cyffion (yr wyt yn gwylio fy holl ffyrdd), a rhoist nod ar wadnau fy nhraed.

²⁸Ond derfydd dyn fel costrel groen, fel dilledyn wedi ei ysu gan wyfyn.