Read Y Beibl Cymraeg Newydd, New Welsh Bible, 1988 Job 14 Bible Online

Job 14 - Y Beibl Cymraeg Newydd, New Welsh Bible, 1988 bible

Job 14

¹Y mae pob un a anwyd o wraig yn fyr ei oes ac yn llawn helbul.

²Y mae fel blodeuyn yn tyfu ac yna'n gwywo; diflanna fel cysgod ac nid erys.

³A roi di sylw i un fel hyn, a'i ddwyn ef i farn gyda thi?

⁴Pwy a gaiff lendid allan o aflendid? Neb!

⁵Gan fod terfyn i'w ddyddiau, a chan iti rifo'i fisoedd, a gosod iddo ffin nas croesir,

⁶yna tro oddi wrtho fel y caiff lonydd, fel gwas cyflog yn mwynhau ei ddiwrnod gwaith.

⁷Er i goeden gael ei thorri, y mae gobaith iddi ailflaguro, ac ni pheidia ei blagur � thyfu.

⁸Er i'w gwraidd heneiddio yn y ddaear, ac i'w boncyff farweiddio yn y pridd,

⁹pan synhwyra ddu373?r fe adfywia, ac fe flagura fel planhigyn ifanc.

¹⁰Ond pan fydd rhywun farw, �'n ddi-nerth, a phan rydd ei anadl olaf, nid yw'n bod mwyach.

¹¹Derfydd y du373?r o'r llyn; disbyddir a sychir yr afon;

¹²felly'r meidrol, fe orwedd ac ni chyfyd, ni ddeffry tra pery'r nefoedd, ac nis cynhyrfir o'i gwsg.

¹³O na bait yn fy nghuddio yn Sheol, ac yn fy nghadw o'r golwg nes i'th lid gilio, a phennu amser arbennig imi, a'm dwyn i gof!

¹⁴(Pan fydd meidrolyn farw, a gaiff ef fyw drachefn?) Yna fe obeithiwn holl ddyddiau fy llafur, hyd nes i'm rhyddhad ddod.

¹⁵Gelwit arnaf, ac atebwn innau; hiraethit am waith dy ddwylo.

¹⁶Yna cedwit gyfrif o'm camre, heb wylio fy mhechod;

¹⁷selid fy nhrosedd mewn cod, a chuddid fy nghamwedd.

¹⁸Ond, fel y diflanna'r mynydd sy'n llithro, ac fel y symud y graig o'i lle,

¹⁹ac fel y treulir y cerrig gan ddyfroedd, ac y golchir ymaith bridd y ddaear gan lifogydd, felly y gwnei i obaith meidrolyn ddiflannu.

²⁰Parhei i'w orthrymu nes derfydd; newidi ei wedd, a'i ollwng.

²¹Pan anrhydeddir ei blant, ni u373?yr; pan ddarostyngir hwy, ni sylwa.

²²Ei gnawd ei hun yn unig sy'n ei boeni, a'i fywyd ei hun sy'n ei ofidio."