Read Y Beibl Cymraeg Newydd, New Welsh Bible, 1988 Job 16 Bible Online

Job 16 - Y Beibl Cymraeg Newydd, New Welsh Bible, 1988 bible

Job 16

²Yr wyf wedi clywed llawer o bethau fel hyn; cysurwyr sy'n peri blinder ydych chwi i gyd.

³A oes terfyn i eiriau gwyntog? Neu beth sy'n dy gythruddo i ddadlau?

⁴Gallwn innau siarad fel chwithau, pe baech chwi yn fy safle i; gallwn blethu geiriau yn eich erbyn, ac ysgwyd fy mhen arnoch.

⁵Gallwn eich calonogi �'m genau, a'ch esmwyth�u � geiriau fy ngwefusau.

⁶Os llefaraf, ni phaid fy mhoen, ac os tawaf, ni chilia oddi wrthyf.

⁷Ond yn awr gosodwyd blinder arnaf; anrheithiaist fy holl gydnabod.

⁸Crychaist fy nghroen, a thystia hyn yn f'erbyn; saif fy nheneuwch i'm cyhuddo.

⁹Yn ei gynddaredd rhwygodd fi mewn casineb, ac ysgyrnygu ei ddannedd arnaf; llygadrytha fy ngelynion arnaf.

¹⁰Cegant yn wawdlyd arnaf, trawant fy ngrudd mewn dirmyg, unant yn dyrfa yn f'erbyn.

¹¹Rhydd Duw fi yng ngafael yr annuwiol, a'm taflu i ddwylo'r anwir.

¹²Yr oeddwn mewn esmwythyd, ond drylliodd fi; cydiodd yn fy ngwar a'm llarpio; gosododd fi yn nod iddo anelu ato.

¹³Yr oedd ei saethwyr o'm hamgylch; trywanodd i'm harennau'n ddidrugaredd, a thywalltwyd fy mustl ar y llawr.

¹⁴Gwnaeth rwyg ar �l rhwyg ynof; rhuthrodd arnaf fel ymladdwr.

¹⁵Gwn�ais sachliain am fy nghroen, a chuddiais fy nghorun yn y llwch.

¹⁶Cochodd fy wyneb gan ddagrau, daeth d�wch ar fy amrannau,

¹⁷er nad oes trais ar fy nwylo, ac er bod fy ngweddi'n ddilys.

¹⁸O ddaear, na chuddia fy ngwaed, ac na fydded gorffwys i'm cri.

¹⁹Oherwydd wele, yn y nefoedd y mae fy nhyst, ac yn yr uchelder y mae'r Un a dystia drosof.

²⁰Er bod fy nghyfeillion yn fy ngwawdio, difera fy llygad ddagrau gerbron Duw,

²¹fel y bo barn gyfiawn rhwng pob un a Duw, fel sydd rhwng rhywun a'i gymydog.

²²Ychydig flynyddoedd sydd i ddod cyn imi fynd ar hyd llwybr na ddychwelaf arno.