Read Y Beibl Cymraeg Newydd, New Welsh Bible, 1988 Job 17 Bible Online

Job 17 - Y Beibl Cymraeg Newydd, New Welsh Bible, 1988 bible

Job 17

¹Llesgaodd fy ysbryd, ciliodd fy nyddiau; beddrod fydd fy rhan.

²Yn wir y mae gwatwarwyr o'm cwmpas; pyla fy llygaid wrth iddynt wawdio.

³Gosod dy hun yn feichiau drosof; pwy arall a rydd wystl ar fy rhan?

⁴Oherwydd iti gadw eu calon rhag deall, ni fydd i ti eu dyrchafu.

⁵Pan fydd rhywun yn gwenieithu ei gyfeillion, bydd llygaid ei blant yn pylu.

⁶Gwnaeth fi'n ddihareb i'r bobl; yr wyf yn un y maent yn poeri arno.

⁷Pylodd fy llygaid o achos gofid; aeth fy nghorff i gyd fel cysgod.

⁸Synna'r cyfiawn at y fath beth, a ffyrniga'r uniawn yn erbyn yr annuwiol.

⁹Fe geidw'r cyfiawn at ei ffordd, a bydd y gl�n ei ddwylo yn ychwanegu nerth.

¹⁰Pe baech i gyd yn rhoi ailgynnig, eto ni chawn neb doeth yn eich plith.

¹¹Ciliodd fy nyddiau; methodd f'amcanion a dyhead fy nghalon.

¹²Gwn�nt y nos yn ddydd � dewisant weld goleuni er gwaethaf y tywyllwch.

¹³Pa obaith sydd gennyf? Sheol fydd fy nghartref; cyweiriaf fy ngwely yn y tywyllwch;

¹⁴dywedaf wrth y pwll, 'Ti yw fy nhad', ac wrth lyngyr, 'Fy mam a'm chwaer'.

¹⁵Ble, felly, y mae fy ngobaith? A phwy a w�l obaith imi?

¹⁶Oni ddisgyn y rhai hyn i Sheol? Onid awn i gyd i'r llwch?"