Read Y Beibl Cymraeg Newydd, New Welsh Bible, 1988 Job 24 Bible Online

Job 24 - Y Beibl Cymraeg Newydd, New Welsh Bible, 1988 bible

Job 24

¹Ni chedwir yr amseroedd gan yr Hollalluog, ond nid yw'r rhai sy'n ei adnabod yn eu gwybod.

²Y mae'r annuwiol yn symud terfynau, ac yn lladrata'r praidd i'w bugeilio.

³Dygant asyn yr amddifad i ffwrdd, a thywysant ymaith ych y weddw.

⁴Gwthiant y tlawd o'r ffordd, a chwilia rhai anghenus y wlad am le i ymguddio.

⁵�nt i'w gorchwyl fel asynnod gwyllt yn yr anialwch; chwiliant am ysglyfaeth yn y diffeithwch, yn fwyd i'w plant.

⁶Medant faes nad yw'n eiddo iddynt, a lloffant winllan yr anghyfiawn.

⁷Gorweddant drwy'r nos yn noeth, heb ddillad, heb gysgod rhag yr oerni.

⁸Fe'u gwlychir gan law trwm y mynyddoedd; am eu bod heb loches, ymwthiant at graig.

⁹Tynnir yr amddifad oddi ar y fron, a chymryd plentyn y tlawd yn wystl.

¹⁰Cerddant o gwmpas yn noeth heb ddillad, a newynant wrth gasglu ysgubau.

¹¹Gwasgant yr olew rhwng y meini; sathrant y cafnau gwin, ond y maent yn sychedig.

¹²o'r ddinas clywir griddfan y rhai sy'n marw, ac ochain y rhai clwyfedig yn gweiddi am gymorth; ond ni rydd Duw sylw i'w cri.

¹³Dyma'r rhai sy'n gwrthryfela yn erbyn y goleuni, y rhai nad ydynt yn adnabod ei ffyrdd, nac yn aros yn ei lwybrau.

¹⁴Cyn i'r dydd wawrio daw'r llofrudd i ladd yr anghenus a'r tlawd. Yn y nos y gweithia'r lleidr; y mae'n torri i mewn i dai yn y tywyllwch.

¹⁵Y mae'r godinebwr yn gwylio'i gyfle yn y cyfnos, gan ddweud, 'Nid oes neb yn fy ngweld', ac yn gosod gorchudd ar ei wyneb.

¹⁶Cuddiant eu hunain yn ystod y dydd � y rhain na wyddant beth yw goleuni.

¹⁷Y mae'r bore yr un fath �'r fagddu iddynt; eu cynefin yw dychrynfeydd y fagddu.

¹⁸Llysnafedd ar wyneb dyfroedd ydynt; melltithiwyd eu cyfran yn y tir; ni thry neb i gyfeiriad eu gwinllannoedd.

¹⁹Fel y mae sychder a gwres yn cipio'r dyfroedd ar �l eira, felly y gwna Sheol i'r rhai a bechodd.

²⁰Anghofir hwy gan y groth, fe'u hysir gan y llyngyryn, ac ni chofir hwy mwyach; torrir ymaith anghyfiawnder fel coeden.

²¹Drygant yr un na ddygodd blant, ac ni wn�nt dda i'r weddw.

²²Y mae ef yn meddiannu'r cryf trwy ei nerth, a phan gyfyd, nid oes gan neb hyder yn ei einioes.

²³Gwna iddynt gredu y cynhelir hwy; eto y mae ei lygaid ar eu ffyrdd.

²⁴Dyrchefir hwy dros dro, yna diflannant; gwywant a chiliant fel hocys; gwywant fel brig y dywysen.

²⁵Os nad felly y mae, pwy all fy ngwrthbrofi a gwneud fy ngeiriau'n ddim?"