Read Y Beibl Cymraeg Newydd, New Welsh Bible, 1988 Job 3 Bible Online

Job 3 - Y Beibl Cymraeg Newydd, New Welsh Bible, 1988 bible

Job 3

¹Wedi hyn dechreuodd Job siarad a melltithio dydd ei eni.

³Difoder y dydd y'm ganwyd, a'r nos y dywedwyd, 'Cenhedlwyd bachgen'.

⁴Bydded y dydd hwnnw yn dywyllwch; na chyfrifer ef gan Dduw oddi uchod, ac na lewyrched goleuni arno.

⁵Cuddier ef gan dywyllwch a'r fagddu; arhosed cwmwl arno a gorlether ef gan dd�wch y dydd.

⁶Cymered y gwyll feddiant o'r nos honno; na chyfrifer hi ymhlith dyddiau'r flwyddyn, ac na ddoed i blith nifer y misoedd.

⁷Wele'r nos honno, bydded ddiffrwyth, heb su373?n gorfoledd ynddi.

⁸Melltithier hi gan y rhai sy'n melltithio'r dyddiau, y rhai sy'n medru cyffroi'r lefiathan.

⁹Tywylled s�r ei chyfddydd, disgwylied am oleuni heb ei gael, ac na weled doriad gwawr,

¹⁰am na chaeodd ddrysau croth fy mam, na chuddio gofid o'm golwg.

¹¹Pam na f�m farw yn y groth, neu drengi pan ddeuthum allan o'r bru?

¹²Pam y derbyniodd gliniau fi, ac y rhoddodd bronnau sugn i mi?

¹³Yna, byddwn yn awr yn gorwedd yn llonydd, yn cysgu'n dawel ac yn cael gorffwys,

¹⁴gyda brenhinoedd a chynghorwyr daear, a fu'n adfer adfeilion iddynt eu hunain,

¹⁵neu gyda thywysogion goludog, a lanwodd eu tai ag arian,

¹⁶neu heb fyw, fel erthyl a guddiwyd, fel babanod na welsant oleuni.

¹⁷Yno, peidia'r drygionus � therfysgu, a chaiff y lluddedig orffwys.

¹⁸Hefyd caiff y carcharorion lonyddwch; ni chlywant lais y meistri gwaith.

¹⁹Bychan a mawr sydd yno, a'r caethwas yn rhydd oddi wrth ei feistr.

²⁰Pam y rhoddir goleuni i'r gorthrymedig a bywyd i'r chwerw ei ysbryd,

²¹sy'n dyheu am farwolaeth, heb iddi ddod, sy'n cloddio amdani yn fwy nag am drysor cudd,

²²sy'n llawenychu pan gaiff feddrod, ac yn gorfoleddu pan gaiff fedd?

²³Ond am ddyn, cuddiwyd ei ffordd, a chaeodd Duw amdano.

²⁴Daw fy ochenaid o flaen fy mwyd, a thywelltir fy ngriddfan fel dyfroedd.

²⁵Y peth a ofnaf a ddaw arnaf, a'r hyn yr arswydaf rhagddo a ddaw imi.

²⁶Nid oes imi dawelwch na llonyddwch; ni chaf orffwys, canys daw dychryn."