Read Y Beibl Cymraeg Newydd, New Welsh Bible, 1988 Job 30 Bible Online

Job 30 - Y Beibl Cymraeg Newydd, New Welsh Bible, 1988 bible

Job 30

¹Ond yn awr y maent yn chwerthin am fy mhen, ie, rhai sy'n iau na mi, rhai na buaswn yn ystyried eu tadau i'w gosod gyda'm cu373?n defaid.

²Pa werth yw cryfder eu dwylo i mi, gan fod eu hegni wedi diflannu?

³Yn amser angen a newyn y maent yn ddifywyd, yn crafu yn y tir sych a diffaith.

⁴Casglant yr hocys a dail y prysglwyn a gwraidd y banadl i'w cadw eu hunain yn gynnes.

⁵Erlidir hwy o blith pobl, a chodir llais yn eu herbyn fel yn erbyn lleidr.

⁶Gwneir iddynt drigo yn agennau'r nentydd, ac mewn tyllau yn y ddaear a'r creigiau.

⁷Y maent yn nadu o ganol y perthi; closiant at ei gilydd o dan y llwyni.

⁸Pobl ynfyd a dienw ydynt; fe'u gyrrwyd allan o'r tir.

⁹Ond yn awr myfi yw testun eu gwatwargerdd; yr wyf yn destun gwawd iddynt.

¹⁰Ffieiddiant fi a chadw draw oddi wrthyf, ac nid yw'n ddim ganddynt boeri yn fy wyneb.

¹¹Pan ryddha ef raff a'm cystuddio, taflant hwythau'r enfa yn fy ngu373?ydd.

¹²Cyfyd y dihirod yn f'erbyn ar y dde; gorfodant fi i gerdded ymlaen, ac yna codant rwystrau imi ar y ffyrdd.

¹³Maluriant fy llwybrau, ychwanegant at f'anffawd, ac nid oes neb yn eu rhwystro.

¹⁴D�nt arnaf fel trwy fwlch llydan; rhuthrant trwy ganol y dinistr.

¹⁵Daeth dychryniadau arnaf; gwasgerir fy urddas fel gan wynt; diflannodd fy llwyddiant fel cwmwl.

¹⁶Yn awr llewygodd fy ysbryd, cydiodd dyddiau cystudd ynof.

¹⁷Dirboenir f'esgyrn drwy'r nos, ac ni lonydda fy nghnofeydd.

¹⁸Cydiant yn nerthol yn fy nillad, a gafael ynof wrth goler fy mantell.

¹⁹Taflwyd fi i'r llaid, ac ystyrir fi fel llwch a lludw.

²⁰Gwaeddaf arnat am gymorth, ond nid wyt yn f'ateb; safaf o'th flaen, ond ni chymeri sylw ohonof.

²¹Yr wyt wedi troi'n greulon tuag ataf, ac yr wyt yn ymosod arnaf �'th holl nerth.

²²Fe'm codi i fyny i farchogaeth y gwynt, a'm bwrw yma ac acw i ddannedd y storm.

²³Gwn yn sicr mai i farwolaeth y'm dygi, i'r lle a dynghedwyd i bob un byw.

²⁴Onid yw un dan adfeilion yn estyn allan ei law ac yn gweiddi am ymwared yn ei ddinistr?

²⁵Oni wylais dros yr un yr oedd yn galed arno, a gofidio dros y tlawd?

²⁶Eto pan obeithiais i am ddaioni, daeth drwg; pan ddisgwyliais am oleuni, dyna dywyllwch.

²⁷Y mae cyffro o'm mewn; ni chaf lonydd, daeth dyddiau gofid arnaf.

²⁸Af o gwmpas yn groenddu, ond nid gan wres haul; codaf i fyny yn y gynulleidfa i ymbil am gymorth.

²⁹Yr wyf yn frawd i'r siacal, ac yn gyfaill i'r estrys.

³⁰Duodd fy nghroen, a llosgodd f'esgyrn gan wres.

³¹Aeth fy nhelyn i'r cywair lleddf, a'm ffliwt i seinio galar.