Read Y Beibl Cymraeg Newydd, New Welsh Bible, 1988 Job 33 Bible Online

Job 33 - Y Beibl Cymraeg Newydd, New Welsh Bible, 1988 bible

Job 33

¹Ond yn awr, Job, gwrando arnaf, a chlustfeinia ar fy ngeiriau i gyd.

²Dyma fi'n agor fy ngwefusau, a'm tafod yn llefaru yn fy ngenau.

³Y mae fy ngeiriau'n mynegi fy meddwl yn onest, a'm gwefusau wybodaeth yn ddiffuant.

⁴Ysbryd Duw a'm lluniodd, ac anadl yr Hollalluog a'm ceidw'n fyw.

⁵Ateb fi, os medri; trefna dy achos, a saf o'm blaen.

⁶Ystyria, o flaen Duw yr wyf finnau yr un fath � thithau; o glai y'm lluniwyd innau hefyd.

⁷Ni ddylai arswyd rhagof fi dy barlysu; ni fyddaf yn llawdrwm arnat.

⁸Yn wir, dywedaist yn fy nghlyw, a chlywais innau dy eiriau'n glir:

⁹'Rwy'n l�n, heb drosedd; rwy'n bur heb gamwedd.

¹⁰Ond y mae Duw yn codi cwynion yn fy erbyn, ac yn f'ystyried yn elyn iddo,

¹¹yn gosod fy nhraed mewn cyffion, ac yn gwylio fy holl ffyrdd.'

¹²Nid wyt yn iawn yn hyn, a dyma f'ateb iti: Y mae Duw yn fwy na meidrolyn.

¹³Pam yr wyt yn ymgecru ag ef, oherwydd nid oes ateb i'r un o'i eiriau?

¹⁴Mae Duw yn llefaru unwaith ac eilwaith, ond nid oes neb yn cymryd sylw.

¹⁵Mewn breuddwyd, mewn gweledigaeth nos, pan ddaw trymgwsg ar bobl, pan gysgant yn eu gwelyau,

¹⁶yna fe wna iddynt wrando, a'u dychryn � rhybuddion,

¹⁷i droi rhywun oddi wrth ei weithred, a chymryd ymaith ei falchder oddi wrtho,

¹⁸a gwaredu ei einioes rhag y pwll, a'i fywyd rhag croesi afon angau.

¹⁹Fe'i disgyblir ar ei orwedd � chryndod di-baid yn ei esgyrn;

²⁰y mae bwyd yn ffiaidd ganddo, ac nid oes arno chwant am damaid blasus;

²¹nycha'i gnawd o flaen fy llygad, a daw'r esgyrn, na welid gynt, i'r amlwg;

²²y mae ei einioes ar ymyl y pwll, a'i fywyd ger mangre'r meirw.

²³Os oes angel i sefyll drosto � un o blith mil i gyfryngu ac i ddadlau ei hawl drosto,

²⁴a thrugarhau wrtho gan ddweud, 'Achub ef rhag mynd i'r pwll; y mae pris ei ryddid gennyf fi' �

²⁵yna bydd ei gnawd yn iachach nag erioed, wedi ei adfer fel yr oedd yn nyddiau ei ieuenctid.

²⁶Bydd yn gwedd�o ar Dduw, ac yntau'n ei wrando; bydd yn edrych ar ei wyneb mewn llawenydd, gan ddweud wrth eraill am ei gyfiawnhad

²⁷a chanu yn eu gu373?ydd, a dweud, 'Pechais, gan droi oddi wrth uniondeb, ond ni chyfrifwyd hyn yn f'erbyn;

²⁸gwaredodd f'einioes rhag mynd i'r pwll, ac fe w�l fy mywyd oleuni.'

²⁹Gwna Duw hyn i gyd i feidrolyn ddwywaith, ie deirgwaith;

³⁰fe adfer ei einioes o'r pwll, er mwyn iddo gael gweld goleuni bywyd.

³¹Ystyria, Job, a gwrando arnaf; bydd dawel ac mi lefaraf.

³²Os oes gennyt ddadl, ateb fi; llefara, oherwydd fy nymuniad yw dy gyfiawnhau.

³³Ond os nad oes gennyt ddim i'w ddweud, gwrando arnaf; bydd dawel, a dysgaf ddoethineb i ti."