Read Y Beibl Cymraeg Newydd, New Welsh Bible, 1988 Job 36 Bible Online

Job 36 - Y Beibl Cymraeg Newydd, New Welsh Bible, 1988 bible

Job 36

¹Aeth Elihu ymlaen i ddweud:

²Aros ychydig, imi gael dangos iti fod eto eiriau i'w dweud dros Dduw.

³Yr wyf yn tynnu fy ngwybodaeth o bell, i dystio bod fy Ngwneuthurwr yn gyfiawn.

⁴Yn wir nid yw fy ngeiriau'n gelwydd; un diogel ei wybodaeth sydd o'th flaen.

⁵Edrych yma, Duw yw'r Un Cadarn; nid yw'n anystyriol, eithr mawr a chadarn yw mewn deall.

⁶Nid yw'n gadael i'r drygionus gael byw, ond fe gynnal achos y gwan.

⁷Ni thry ei olwg oddi ar y cyfiawn, ond gyda brenhinoedd ar orsedd c�nt eistedd am byth, a llwyddo.

⁸Os rhwymir hwy mewn cadwynau, a'u dal mewn gefynnau gofid,

⁹yna fe ddengys iddynt eu gweithred a'u trosedd, am iddynt fod yn ffroenuchel.

¹⁰Rhydd rybudd iddynt am ddisgyblaeth, a dywed wrthynt am droi oddi wrth eu drygioni.

¹¹Os gwrandawant, a bod yn ufudd, fe g�nt dreulio'u dyddiau mewn llwyddiant, a'u blynyddoedd mewn hyfrydwch.

¹²Os gwrthodant wrando, difethir hwy gan gleddyf, a darfyddant heb ddysgu dim.

¹³Y mae'r rhai annuwiol yn ennyn dig, ac ni cheisiant gymorth mewn caethiwed.

¹⁴Y maent yn marw'n ifanc, wedi treulio'u bywyd gyda phuteinwyr cysegr.

¹⁵Fe wareda ef y rhai trallodus trwy eu gofid, a'u dysgu trwy orthrymder.

¹⁶Er iddo geisio dy ddenu oddi wrth ofid, a'th ddwyn o le cyfyng i ehangder, a hulio dy fwrdd � phob braster,

¹⁷yr wyt yn llawn o farn ar y drygionus, wedi dy feddiannu gan farn a chyfiawnder.

¹⁸Gwylia rhag cael dy hudo gan ddigonedd, a phaid � gadael i faint y rhodd dy ddenu.

¹⁹A fydd dy gyfoeth yn dy helpu mewn cyfyngder, neu holl adnoddau dy nerth?

²⁰Paid � dyheu am y nos, pan symudir pobloedd o'u lle.

²¹Gwylia rhag troi at ddrygioni, oherwydd dewisi hyn yn hytrach na gofid.

²²Sylwa mor aruchel yw Duw yn ei nerth; pwy sydd yn dysgu fel y gwna ef?

²³Pwy a wylia arno yn ei ffordd? a phwy a ddywed, 'Yr wyt yn gwneud yn anghyfiawn'?

²⁴Cofia di ganmol ei waith, y gwaith y canodd pobl amdano.

²⁵Y mae pawb yn edrych arno, ac yn ei weld o bell.

²⁶Cofia fod Duw yn fawr, y tu hwnt i ddeall, a'i flynyddoedd yn ddirifedi.

²⁷Y mae'n cronni'r defnynnau du373?r, ac yn eu dihidlo'n law m�n fel tarth;

²⁸fe'u tywelltir o'r cymylau, i ddisgyn yn gawodydd ar bobl.

²⁹A ddeall neb daeniad y cwmwl, a'r tyrfau sydd yn ei babell?

³⁰Edrych fel y taena'i darth o'i gwmpas, ac y cuddia waelodion y m�r.

³¹�'r rhain y diwalla ef y bobloedd, a rhoi iddynt ddigonedd o fwyd.

³²Deil y mellt yn ei ddwylo, a'u hanelu i gyrraedd eu nod.

³³Dywed ei drwst amdano, fod angerdd ei lid yn erbyn drygioni.