Read Y Beibl Cymraeg Newydd, New Welsh Bible, 1988 Job 7 Bible Online

Job 7 - Y Beibl Cymraeg Newydd, New Welsh Bible, 1988 bible

Job 7

¹Onid llafur caled sydd i ddyn ar y ddaear, a'i ddyddiau fel dyddiau gwas cyflog?

²Fel caethwas yn dyheu am gysgod, a gwas yn disgwyl am ei d�l,

³felly y daeth misoedd ofer i'm rhan innau, a threfnwyd imi nosweithiau gofidus.

⁴Pan orweddaf, dywedaf, 'Pa bryd y caf godi?' Y mae'r nos yn hir, a byddaf yn blino yn troi a throsi hyd doriad gwawr.

⁵Gorchuddiwyd fy nghnawd gan bryfed a budreddi; crawniodd fy nghroen, ac yna torri allan.

⁶Y mae fy nyddiau'n gyflymach na gwennol gwehydd; darfyddant fel edafedd yn dirwyn i ben.

⁷Cofia mai awel o wynt yw fy hoedl; ni w�l fy llygaid ddaioni eto.

⁸Y llygad sy'n edrych arnaf, ni'm gw�l; ar amrantiad ni fyddaf ar gael iti.

⁹Fel y cilia'r cwmwl a diflannu, felly'r sawl sy'n mynd i Sheol, ni ddychwel oddi yno;

¹⁰ni ddaw eto i'w gartref, ac nid edwyn ei le mohono mwy.

¹¹Ond myfi, nid ataliaf fy ngeiriau; llefaraf yng nghyfyngder fy ysbryd, cwynaf yn chwerwder fy enaid.

¹²Ai'r m�r ydwyf, neu'r ddraig, gan dy fod yn gosod gwyliwr arnaf?

¹³Pan ddywedaf, 'Fy ngwely a rydd gysur imi; fy ngorweddfa a liniara fy nghwyn',

¹⁴yr wyt yn fy nychryn � breuddwydion, ac yn f'arswydo � gweledigaethau.

¹⁵Gwell fyddai gennyf fy nhagu, a marw yn hytrach na goddef fy mhoen.

¹⁶Rwy'n ddiobaith; ni ddymunaf fyw am amser maith. Gad lonydd imi, canys y mae fy nyddiau fel anadl.

¹⁷Beth yw meidrolyn i ti ei ystyried, ac iti roi cymaint o sylw iddo?

¹⁸Yr wyt yn ymweld ag ef bob bore, ac yn ei brofi bob eiliad.

¹⁹Pa bryd y peidi ag edrych arnaf, ac y rhoi lonydd imi lyncu fy mhoeri?

²⁰Os pechais, beth a wneuthum i ti, O wyliwr dynolryw? Pam y cymeraist fi'n nod, nes fy mod yn faich i mi fy hun?

²¹Pam na faddeui fy nhrosedd a symud fy mai? Yn awr rwy'n gorwedd yn y llwch, ac er i ti chwilio amdanaf, ni fyddaf ar gael."