Read Y Beibl Cymraeg Newydd, New Welsh Bible, 1988 Salmau 103 Bible Online

Salmau 103 - Y Beibl Cymraeg Newydd, New Welsh Bible, 1988 bible

Salmau 103

¹1 I Ddafydd.0 Fy enaid, bendithia'r ARGLWYDD, a'r cyfan sydd ynof ei enw sanctaidd.

²Fy enaid, bendithia'r ARGLWYDD, a phaid ag anghofio'i holl ddoniau:

³ef sy'n maddau fy holl gamweddau, yn iach�u fy holl afiechyd;

⁴ef sy'n gwaredu fy mywyd o'r pwll, ac yn fy nghoroni � chariad a thrugaredd;

⁵ef sy'n fy nigoni � daioni dros fy holl ddyddiau i adnewyddu fy ieuenctid fel eryr.

⁶Y mae'r ARGLWYDD yn gweithredu cyfiawnder a barn i'r holl rai gorthrymedig.

⁷Dysgodd ei ffyrdd i Moses, a'i weithredoedd i blant Israel.

⁸Trugarog a graslon yw'r ARGLWYDD, araf i ddigio a llawn ffyddlondeb.

⁹Nid yw'n ceryddu'n ddiddiwedd, nac yn meithrin ei ddicter am byth.

¹⁰Ni wnaeth � ni yn �l ein pechodau, ac ni thalodd i ni yn �l ein camweddau.

¹¹Oherwydd fel y mae'r nefoedd uwchben y ddaear, y mae ei gariad ef dros y rhai sy'n ei ofni;

¹²cyn belled ag y mae'r dwyrain o'r gorllewin y pellhaodd ein pechodau oddi wrthym.

¹³Fel y mae tad yn tosturio wrth ei blant, felly y tosturia'r ARGLWYDD wrth y rhai sy'n ei ofni.

¹⁴Oherwydd y mae ef yn gwybod ein deunydd, yn cofio mai llwch ydym.

¹⁵Y mae dyddiau dyn fel glaswelltyn; y mae'n blodeuo fel blodeuyn y maes �

¹⁶pan �'r gwynt drosto fe ddiflanna, ac nid yw ei le'n ei adnabod mwyach.

¹⁷Ond y mae ffyddlondeb yr ARGLWYDD o dragwyddoldeb hyd dragwyddoldeb ar y rhai sy'n ei ofni, a'i gyfiawnder i blant eu plant,

¹⁸i'r rhai sy'n cadw ei gyfamod, yn cofio'i orchmynion ac yn ufuddhau.

¹⁹Gosododd yr ARGLWYDD ei orsedd yn y nefoedd, ac y mae ei frenhiniaeth ef yn rheoli pob peth.

²⁰Bendithiwch yr ARGLWYDD, ei angylion, y rhai cedyrn sy'n gwneud ei air, ac yn ufuddhau i'w eiriau.

²¹Bendithiwch yr ARGLWYDD, ei holl luoedd, ei weision sy'n gwneud ei ewyllys.

²²Bendithiwch yr ARGLWYDD, ei holl weithredoedd, ym mhob man o dan ei lywodraeth. Fy enaid, bendithia'r ARGLWYDD.