Read Y Beibl Cymraeg Newydd, New Welsh Bible, 1988 Salmau 106 Bible Online

Salmau 106 - Y Beibl Cymraeg Newydd, New Welsh Bible, 1988 bible

Salmau 106

¹Molwch yr ARGLWYDD. Diolchwch i'r ARGLWYDD, oherwydd da yw, ac y mae ei gariad hyd byth.

²Pwy all draethu gweithredoedd nerthol yr ARGLWYDD, neu gyhoeddi ei holl foliant?

³Gwyn eu byd y rhai sy'n cadw barn, ac yn gwneud cyfiawnder bob amser.

⁴Cofia fi, ARGLWYDD, pan wnei ffafr �'th bobl; ymw�l � mi, pan fyddi'n gwaredu,

⁵imi gael gweld llwyddiant y rhai a ddewisi, a llawenhau yn llawenydd dy genedl, a gorfoleddu gyda'th etifeddiaeth di.

⁶Yr ydym ni, fel ein hynafiaid, wedi pechu; yr ydym wedi troseddu a gwneud drygioni.

⁷Pan oedd ein hynafiaid yn yr Aifft ni wnaethant sylw o'th ryfeddodau, na chofio maint dy ffyddlondeb, ond gwrthryfela yn erbyn y Goruchaf ger y M�r Coch.

⁸Ond gwaredodd ef hwy er mwyn ei enw, er mwyn dangos ei rym.

⁹Ceryddodd y M�r Coch ac fe sychodd, ac arweiniodd hwy trwy'r dyfnder fel pe trwy'r anialwch.

¹⁰Gwaredodd hwy o law'r rhai oedd yn eu cas�u, a'u harbed o law'r gelyn.

¹¹Caeodd y dyfroedd am eu gwrthwynebwyr, ac nid arbedwyd yr un ohonynt.

¹²Yna credasant ei eiriau, a chanu mawl iddo.

¹³Ond yn fuan yr oeddent wedi anghofio ei weithredoedd, ac nid oeddent yn aros am ei gyngor.

¹⁴Daeth eu blys drostynt yn yr anialwch, ac yr oeddent yn profi Duw yn y diffeithwch.

¹⁵Rhoes yntau iddynt yr hyn yr oeddent yn ei ofyn, ond anfonodd nychdod i'w mysg.

¹⁶Yr oeddent yn cenfigennu yn y gwersyll wrth Moses, a hefyd wrth Aaron, un sanctaidd yr ARGLWYDD.

¹⁷Yna agorodd y ddaear a llyncu Dathan, a gorchuddio cwmni Abiram.

¹⁸Torrodd t�n allan ymhlith y cwmni, a llosgwyd y drygionus yn y fflamau.

¹⁹Gwnaethant lo yn Horeb, ac ymgrymu i'r ddelw,

²⁰gan newid yr un oedd yn ogoniant iddynt am ddelw o ych yn pori gwellt.

²¹Yr oeddent wedi anghofio Duw, eu Gwaredydd, a oedd wedi gwneud pethau mawrion yn yr Aifft,

²²pethau rhyfeddol yng ngwlad Ham, a phethau ofnadwy ger y M�r Coch.

²³Felly dywedodd ef y byddai'n eu dinistrio, oni bai i Moses, yr un a ddewisodd, sefyll yn y bwlch o'i flaen, i droi'n �l ei ddigofaint rhag eu dinistrio.

²⁴Yna bu iddynt ddilorni'r wlad hyfryd, ac nid oeddent yn credu ei air;

²⁵yr oeddent yn grwgnach yn eu pebyll, a heb wrando ar lais yr ARGLWYDD.

²⁶Cododd yntau ei law a thyngu y byddai'n peri iddynt syrthio yn yr anialwch,

²⁷ac yn gwasgaru eu disgynyddion i blith y cenhedloedd, a'u chwalu trwy'r gwledydd.

²⁸Yna aethant i gyfathrach � Baal-peor, a bwyta ebyrth y meirw;

²⁹yr oeddent wedi cythruddo'r ARGLWYDD �'u gweithredoedd, a thorrodd pla allan yn eu mysg.

³⁰Ond cododd Phinees a'u barnu, ac ataliwyd y pla.

³¹A chyfrifwyd hyn yn gyfiawnder iddo dros y cenedlaethau am byth.

³²Bu iddynt gythruddo'r Arglwydd hefyd wrth ddyfroedd Meriba, a bu'n ddrwg ar Moses o'u plegid,

³³oherwydd gwnaethant ei ysbryd yn chwerw, ac fe lefarodd yntau yn fyrbwyll.

³⁴Ni fu iddynt ddinistrio'r bobloedd y dywedodd yr ARGLWYDD amdanynt,

³⁵ond cymysgu gyda'r cenhedloedd, a dysgu gwneud fel hwythau.

³⁶Yr oeddent yn addoli eu delwau, a bu hynny'n fagl iddynt.

³⁷Yr oeddent yn aberthu eu meibion a'u merched i'r demoniaid.

³⁸Yr oeddent yn tywallt gwaed dieuog, gwaed eu meibion a'u merched yr oeddent yn eu haberthu i ddelwau Canaan; a halogwyd y ddaear �'u gwaed.

³⁹Felly aethant yn aflan trwy'r hyn a wnaent, ac yn buteiniaid trwy eu gweithredoedd.

⁴⁰Yna cythruddodd dicter yr ARGLWYDD yn erbyn ei bobl, a ffieiddiodd ei etifeddiaeth;

⁴¹rhoddodd hwy yn llaw'r cenhedloedd, a llywodraethwyd hwy gan y rhai oedd yn eu cas�u;

⁴²fe'u gorthrymwyd gan eu gelynion, a'u darostwng dan eu hawdurdod.

⁴³Lawer gwaith y gwaredodd hwy, ond yr oeddent hwy yn wrthryfelgar eu bwriad, ac yn cael eu darostwng oherwydd eu drygioni.

⁴⁴Er hynny, cymerodd sylw o'u cyfyngder pan glywodd eu cri am gymorth;

⁴⁵cofiodd ei gyfamod � hwy, ac edifarhau oherwydd ei gariad mawr;

⁴⁶parodd iddynt gael trugaredd gan bawb oedd yn eu caethiwo.

⁴⁷Gwareda ni, O ARGLWYDD ein Duw, a chynnull ni o blith y cenhedloedd, inni gael rhoi diolch i'th enw sanctaidd, ac ymhyfrydu yn dy fawl.

⁴⁸Bendigedig fyddo'r ARGLWYDD, Duw Israel, o dragwyddoldeb hyd dragwyddoldeb; dyweded yr holl bobl, "Amen." Molwch yr ARGLWYDD.