Read Y Beibl Cymraeg Newydd, New Welsh Bible, 1988 Salmau 107 Bible Online

Salmau 107 - Y Beibl Cymraeg Newydd, New Welsh Bible, 1988 bible

Salmau 107

¹Diolchwch i'r ARGLWYDD, oherwydd da yw, ac y mae ei gariad hyd byth.

²Fel yna dyweded y rhai a waredwyd gan yr ARGLWYDD, y rhai a waredodd ef o law'r gelyn,

³a'u cynnull ynghyd o'r gwledydd, o'r dwyrain a'r gorllewin, o'r gogledd a'r de.

⁴Aeth rhai ar goll mewn anialdir a diffeithwch, heb gael ffordd at ddinas i fyw ynddi;

⁵yr oeddent yn newynog ac yn sychedig, ac yr oedd eu nerth yn pallu.

⁶Yna gwaeddasant ar yr ARGLWYDD yn eu cyfyngder, a gwaredodd hwy o'u hadfyd;

⁷arweiniodd hwy ar hyd ffordd union i fynd i ddinas i fyw ynddi.

⁸Bydded iddynt ddiolch i'r ARGLWYDD am ei gariad, ac am ei ryfeddodau i ddynolryw.

⁹Oherwydd rhoes eu digon i'r sychedig, a llenwi'r newynog � phethau daionus.

¹⁰Yr oedd rhai yn eistedd mewn tywyllwch dudew, yn gaethion mewn gofid a haearn,

¹¹am iddynt wrthryfela yn erbyn geiriau Duw, a dirmygu cyngor y Goruchaf.

¹²Llethwyd eu calon gan flinder; syrthiasant heb neb i'w hachub.

¹³Yna gwaeddasant ar yr ARGLWYDD yn eu cyfyngder, a gwaredodd ef hwy o'u hadfyd;

¹⁴daeth � hwy allan o'r tywyllwch dudew, a drylliodd eu gefynnau.

¹⁵Bydded iddynt ddiolch i'r ARGLWYDD am ei gariad, ac am ei ryfeddodau i ddynolryw.

¹⁶Oherwydd torrodd byrth pres, a drylliodd farrau heyrn.

¹⁷Yr oedd rhai yn ynfyd; oherwydd eu ffyrdd pechadurus a'u camwedd fe'u cystuddiwyd;

¹⁸aethant i gas�u pob math o fwyd, a daethant yn agos at byrth angau.

¹⁹Yna gwaeddasant ar yr ARGLWYDD yn eu cyfyngder, a gwaredodd ef hwy o'u hadfyd;

²⁰anfonodd ei air ac iachaodd hwy, a gwaredodd hwy o ddistryw.

²¹Bydded iddynt ddiolch i'r ARGLWYDD am ei gariad, ac am ei ryfeddodau i ddynolryw.

²²Bydded iddynt ddod ag offrymau diolch, a dweud am ei weithredoedd mewn gorfoledd.

²³Aeth rhai i'r m�r mewn llongau, a gwneud eu gorchwylion ar ddyfroedd mawr;

²⁴gwelsant hwy weithredoedd yr ARGLWYDD, a'i ryfeddodau yn y dyfnder.

²⁵Pan lefarai ef, deuai gwynt stormus, a pheri i'r tonnau godi'n uchel.

²⁶Cawsant eu codi i'r nefoedd a'u bwrw i'r dyfnder, a phallodd eu dewrder yn y trybini;

²⁷yr oeddent yn troi yn simsan fel meddwyn, ac wedi colli eu holl fedr.

²⁸Yna gwaeddasant ar yr ARGLWYDD yn eu cyfyngder, a gwaredodd ef hwy o'u hadfyd;

²⁹gwnaeth i'r storm dawelu, ac aeth y tonnau'n ddistaw;

³⁰yr oeddent yn llawen am iddi lonyddu, ac arweiniodd hwy i'r hafan a ddymunent.

³¹Bydded iddynt ddiolch i'r ARGLWYDD am ei gariad, ac am ei ryfeddodau i ddynolryw.

³²Bydded iddynt ei ddyrchafu yng nghynulleidfa'r bobl, a'i foliannu yng nghyngor yr henuriaid.

³³Y mae ef yn troi afonydd yn ddiffeithwch, a ffynhonnau dyfroedd yn sychdir;

³⁴y mae ef yn troi tir ffrwythlon yn grastir, oherwydd drygioni'r rhai sy'n byw yno.

³⁵Y mae ef yn troi diffeithwch yn llynnau du373?r, a thir sych yn ffynhonnau.

³⁶Gwna i'r newynog fyw yno, a sefydlant ddinas i fyw ynddi;

³⁷heuant feysydd a phlannu gwinwydd, a ch�nt gnydau toreithiog.

³⁸Bydd ef yn eu bendithio ac yn eu hamlhau, ac ni fydd yn gadael i'w gwartheg leihau.

³⁹Pan fyddant yn lleihau ac wedi eu darostwng trwy orthrwm, helbul a gofid,

⁴⁰bydd ef yn tywallt gwarth ar dywysogion, ac yn peri iddynt grwydro trwy'r anialwch diarffordd.

⁴¹Ond bydd yn codi'r tlawd o'i ofid, ac yn gwneud ei deulu fel praidd.

⁴²Bydd yr uniawn yn gweld ac yn llawenhau, ond pob un drygionus yn atal ei dafod.

⁴³Pwy bynnag sydd ddoeth, rhoed sylw i'r pethau hyn; bydded iddynt ystyried ffyddlondeb yr ARGLWYDD.