Read Y Beibl Cymraeg Newydd, New Welsh Bible, 1988 Salmau 108 Bible Online

Salmau 108 - Y Beibl Cymraeg Newydd, New Welsh Bible, 1988 bible

Salmau 108

¹1 C�n. Salm. I Ddafydd.0 Y mae fy nghalon yn gadarn, O Dduw; fe ganaf, a rhoi mawl. Deffro, fy enaid.

²Deffro di, nabl a thelyn. Fe ddeffroaf ar doriad gwawr.

³Rhof ddiolch i ti, O ARGLWYDD, ymysg y bobloedd, a chanmolaf di ymysg y cenhedloedd,

⁴oherwydd y mae dy gariad yn ymestyn hyd y nefoedd, a'th wirionedd hyd y cymylau.

⁵Dyrchafa'n uwch na'r nefoedd, O Dduw, a bydded dy ogoniant dros yr holl ddaear.

⁶Er mwyn gwaredu dy anwyliaid, achub �'th ddeheulaw, ac ateb ni.

⁷Llefarodd Duw yn ei gysegr, "Yr wyf yn gorfoleddu wrth rannu Sichem, a mesur dyffryn Succoth yn rhannau;

⁸eiddof fi yw Gilead a Manasse; Effraim yw fy helm, a Jwda yw fy nheyrnwialen;

⁹Moab yw fy nysgl ymolchi, ac at Edom y taflaf fy esgid; ac yn erbyn Philistia y gorfoleddaf."

¹⁰Pwy a'm dwg i'r ddinas gaerog? Pwy a'm harwain i Edom?

¹¹Onid ti, O Dduw, er iti'n gwrthod, a pheidio � mynd allan gyda'n byddinoedd?

¹²Rho inni gymorth rhag y gelyn, oherwydd ofer yw ymwared dynol.

¹³Gyda Duw fe wnawn wrhydri; ef fydd yn sathru ein gelynion.