Read Y Beibl Cymraeg Newydd, New Welsh Bible, 1988 Salmau 112 Bible Online

Salmau 112 - Y Beibl Cymraeg Newydd, New Welsh Bible, 1988 bible

Salmau 112

¹Molwch yr ARGLWYDD. Gwyn ei fyd y sawl sy'n ofni'r ARGLWYDD, ac yn ymhyfrydu'n llwyr yn ei orchmynion.

²Bydd ei ddisgynyddion yn gedyrn ar y ddaear, yn genhedlaeth uniawn wedi ei bendithio.

³Bydd golud a chyfoeth yn ei du375?, a bydd ei gyfiawnder yn para am byth.

⁴Fe lewyrcha goleuni mewn tywyllwch i'r uniawn; y mae'r cyfiawn yn raslon a thrugarog.

⁵Da yw i bob un drugarhau a rhoi benthyg, a threfnu ei orchwylion yn onest;

⁶oherwydd ni symudir ef o gwbl, a chofir y cyfiawn dros byth.

⁷Nid yw'n ofni newyddion drwg; y mae ei galon yn ddi-gryn, yn ymddiried yn yr ARGLWYDD.

⁸Y mae ei galon yn ddi-sigl, ac nid ofna nes iddo weld diwedd ar ei elynion.

⁹Y mae wedi rhoi'n hael i'r tlodion; y mae ei gyfiawnder yn para am byth, a'i gorn wedi ei ddyrchafu mewn anrhydedd.

¹⁰Gw�l y drygionus hyn ac y mae'n ddig; ysgyrnyga'i ddannedd a diffygia; derfydd am obaith y drygionus.