Read Y Beibl Cymraeg Newydd, New Welsh Bible, 1988 Salmau 113 Bible Online

Salmau 113 - Y Beibl Cymraeg Newydd, New Welsh Bible, 1988 bible

Salmau 113

¹Molwch yr ARGLWYDD. Molwch, chwi weision yr ARGLWYDD, molwch enw'r ARGLWYDD.

²Bendigedig fyddo enw'r ARGLWYDD o hyn allan a hyd byth.

³O godiad haul hyd ei fachlud bydded enw'r ARGLWYDD yn foliannus.

⁴Uchel yw'r ARGLWYDD goruwch yr holl genhedloedd, a'i ogoniant goruwch y nefoedd.

⁵Pwy sydd fel yr ARGLWYDD ein Duw yn y nefoedd neu ar y ddaear,

⁶yn gosod ei orseddfainc yn uchel a hefyd yn ymostwng i edrych yn isel?

⁷Y mae ef yn codi'r gwan o'r llwch ac yn dyrchafu'r anghenus o'r domen,

⁸i'w gosod gyda phendefigion, gyda phendefigion ei bobl.

⁹Rhydd deulu i'r wraig ddi-blant; daw hi'n fam lawen i blant. Molwch yr ARGLWYDD.