Read Y Beibl Cymraeg Newydd, New Welsh Bible, 1988 Salmau 115 Bible Online

Salmau 115 - Y Beibl Cymraeg Newydd, New Welsh Bible, 1988 bible

Salmau 115

¹Nid i ni, O ARGLWYDD, nid i ni, ond i'th enw dy hun, rho ogoniant, er mwyn dy gariad a'th ffyddlondeb.

²Pam y mae'r cenhedloedd yn dweud, "Ple mae eu Duw?"

³Y mae ein Duw ni yn y nefoedd; fe wna beth bynnag a ddymuna.

⁴Arian ac aur yw eu delwau hwy, ac wedi eu gwneud � dwylo dynol.

⁵Y mae ganddynt enau nad ydynt yn siarad, a llygaid nad ydynt yn gweld;

⁶y mae ganddynt glustiau nad ydynt yn clywed, a ffroenau nad ydynt yn arogli;

⁷y mae ganddynt ddwylo nad ydynt yn teimlo, a thraed nad ydynt yn cerdded; ac ni ddaw su373?n o'u gyddfau.

⁸Y mae eu gwneuthurwyr yn mynd yn debyg iddynt, ac felly hefyd bob un sy'n ymddiried ynddynt.

⁹O Israel, ymddirieda yn yr ARGLWYDD. Ef yw eu cymorth a'u tarian.

¹⁰O du375? Aaron, ymddiriedwch yn yr ARGLWYDD. Ef yw eu cymorth a'u tarian.

¹¹Chwi sy'n ofni'r ARGLWYDD, ymddiriedwch yn yr ARGLWYDD. Ef yw eu cymorth a'u tarian.

¹²Y mae'r ARGLWYDD yn ein cofio ac yn ein bendithio; fe fendithia du375? Israel, fe fendithia du375? Aaron,

¹³fe fendithia'r rhai sy'n ofni'r ARGLWYDD, y bychan a'r mawr fel ei gilydd.

¹⁴Bydded yr ARGLWYDD yn eich amlhau, chwi a'ch plant hefyd.

¹⁵Bydded ichwi gael bendith gan yr ARGLWYDD a wnaeth nefoedd a daear.

¹⁶Y nefoedd, eiddo'r ARGLWYDD yw, ond fe roes y ddaear i ddynolryw.

¹⁷Nid yw'r meirw yn moliannu'r ARGLWYDD, na'r holl rai sy'n mynd i lawr i dawelwch.

¹⁸Ond yr ydym ni'n bendithio'r ARGLWYDD yn awr a hyd byth. Molwch yr ARGLWYDD.