Read Y Beibl Cymraeg Newydd, New Welsh Bible, 1988 Salmau 116 Bible Online

Salmau 116 - Y Beibl Cymraeg Newydd, New Welsh Bible, 1988 bible

Salmau 116

¹Yr wyf yn caru'r ARGLWYDD, am iddo wrando ar lef fy ngweddi,

²am iddo droi ei glust ataf y dydd y gwaeddais arno.

³Yr oedd clymau angau wedi tynhau amdanaf, a gefynnau Sheol wedi fy nal, a minnau'n dioddef adfyd ac ing.

⁴Yna gelwais ar enw'r ARGLWYDD: "Yr wyf yn erfyn, ARGLWYDD, gwared fi."

⁵Graslon yw'r ARGLWYDD, a chyfiawn, ac y mae ein Duw ni'n tosturio.

⁶Ceidw'r ARGLWYDD y rhai syml; pan ddarostyngwyd fi, fe'm gwaredodd.

⁷Gorffwysa unwaith eto, fy enaid, oherwydd bu'r ARGLWYDD yn hael wrthyt;

⁸oherwydd gwaredodd fy enaid rhag angau, fy llygaid rhag dagrau, fy nhraed rhag baglu.

⁹Rhodiaf gerbron yr ARGLWYDD yn nhir y rhai byw.

¹⁰Yr oeddwn yn credu y byddwn wedi fy narostwng; cefais fy nghystuddio'n drwm;

¹¹yn fy nghyni dywedais, "Y mae pawb yn dwyllodrus."

¹²Sut y gallaf dalu i'r ARGLWYDD am ei holl haelioni tuag ataf?

¹³Dyrchafaf gwpan iachawdwriaeth, a galw ar enw'r ARGLWYDD.

¹⁴Talaf fy addunedau i'r ARGLWYDD ym mhresenoldeb ei holl bobl.

¹⁵Gwerthfawr yng ngolwg yr ARGLWYDD yw marwolaeth ei ffyddloniaid.

¹⁶O ARGLWYDD, dy was yn wir wyf fi, gwas o hil gweision; yr wyt wedi datod fy rhwymau.

¹⁷Rhof i ti offrwm diolch, a galw ar enw'r ARGLWYDD.

¹⁸Talaf fy addunedau i'r ARGLWYDD ym mhresenoldeb ei holl bobl,

¹⁹yng nghynteddau tu375?'r ARGLWYDD yn dy ganol di, O Jerwsalem. Molwch yr ARGLWYDD.