Read Y Beibl Cymraeg Newydd, New Welsh Bible, 1988 Salmau 130 Bible Online

Salmau 130 - Y Beibl Cymraeg Newydd, New Welsh Bible, 1988 bible

Salmau 130

¹1 C�n Esgyniad.0 O'r dyfnderau y gwaeddais arnat, O ARGLWYDD.

²Arglwydd, clyw fy llef; bydded dy glustiau'n agored i lef fy ngweddi.

³Os wyt ti, ARGLWYDD, yn cadw cyfrif o gamweddau, pwy, O Arglwydd, a all sefyll?

⁴Ond y mae gyda thi faddeuant, fel y cei dy ofni.

⁵Disgwyliaf wrth yr ARGLWYDD; y mae fy enaid yn disgwyl, a gobeithiaf yn ei air;

⁶y mae fy enaid yn disgwyl wrth yr Arglwydd yn fwy nag y mae'r gwylwyr am y bore, yn fwy nag y mae'r gwylwyr am y bore.

⁷O Israel, gobeithia yn yr ARGLWYDD, oherwydd gyda'r ARGLWYDD y mae ffyddlondeb, a chydag ef y mae gwaredigaeth helaeth.

⁸Ef sydd yn gwaredu Israel oddi wrth ei holl gamweddau.