Read Y Beibl Cymraeg Newydd, New Welsh Bible, 1988 Salmau 132 Bible Online

Salmau 132 - Y Beibl Cymraeg Newydd, New Welsh Bible, 1988 bible

Salmau 132

¹1 C�n Esgyniad.0 O ARGLWYDD, cofia am Ddafydd yn ei holl dreialon,

²fel y bu iddo dyngu i'r ARGLWYDD ac addunedu i Un Cadarn Jacob,

³Nid af i mewn i'r babell y trigaf ynddi, nac esgyn i'r gwely y gorffwysaf arno;

⁴ni roddaf gwsg i'm llygaid na hun i'm hamrannau,

⁵nes imi gael lle i'r ARGLWYDD a thrigfan i Un Cadarn Jacob."

⁶Wele, clywsom amdani yn Effrata, a chawsom hi ym meysydd y coed.

⁷Awn i mewn i'w drigfan a phlygwn wrth ei droedfainc.

⁸Cyfod, ARGLWYDD, a thyrd i'th orffwysfa, ti ac arch dy nerth.

⁹Bydded dy offeiriaid wedi eu gwisgo � chyfiawnder, a bydded i'th ffyddloniaid orfoleddu."

¹⁰Er mwyn Dafydd dy was, paid � throi oddi wrth wyneb dy eneiniog.

¹¹Tyngodd yr ARGLWYDD i Ddafydd adduned sicr na thry oddi wrthi: "O ffrwyth dy gorff y gosodaf un ar dy orsedd.

¹²Os ceidw dy feibion fy nghyfamod, a'r tystiolaethau a ddysgaf iddynt, bydd eu meibion hwythau hyd byth yn eistedd ar dy orsedd."

¹³Oherwydd dewisodd yr ARGLWYDD Seion, a'i chwennych yn drigfan iddo:

¹⁴Dyma fy ngorffwysfa am byth; yma y trigaf am imi ei dewis.

¹⁵Bendithiaf hi � digonedd o ymborth, a digonaf ei thlodion � bara.

¹⁶Gwisgaf ei hoffeiriaid ag iachawdwriaeth, a bydd ei ffyddloniaid yn gorfoleddu.

¹⁷Yno y gwnaf i gorn dyfu i Ddafydd; darperais lamp i'm heneiniog.

¹⁸Gwisgaf ei elynion � chywilydd, ond ar ei ben ef y bydd coron ddisglair."