Read Y Beibl Cymraeg Newydd, New Welsh Bible, 1988 Salmau 135 Bible Online

Salmau 135 - Y Beibl Cymraeg Newydd, New Welsh Bible, 1988 bible

Salmau 135

¹Molwch yr ARGLWYDD. Molwch enw'r ARGLWYDD, molwch ef, chwi weision yr ARGLWYDD,

²sy'n sefyll yn nhu375?'r ARGLWYDD, yng nghynteddoedd ein Duw.

³Molwch yr ARGLWYDD, oherwydd da yw ef; canwch i'w enw, oherwydd y mae'n ddymunol.

⁴Dewisodd yr ARGLWYDD Jacob iddo'i hunan, ac Israel yn drysor arbennig iddo.

⁵Oherwydd fe wn i fod yr ARGLWYDD yn fawr, a bod ein Harglwydd ni yn rhagori ar yr holl dduwiau.

⁶Fe wna'r ARGLWYDD beth bynnag a ddymuna, yn y nefoedd ac ar y ddaear, yn y moroedd a'r holl ddyfnderau.

⁷P�r i gymylau godi o derfynau'r ddaear; fe wna fellt ar gyfer y glaw, a daw gwynt allan o'i ystordai.

⁸Fe drawodd rai cyntafanedig yr Aifft, yn ddyn ac anifail;

⁹anfonodd arwyddion a rhybuddion trwy ganol yr Aifft, yn erbyn Pharo a'i holl ddeiliaid.

¹⁰Fe drawodd genhedloedd mawrion, a lladd brenhinoedd cryfion �

¹¹Sihon brenin yr Amoriaid, Og brenin Basan, a holl dywysogion Canaan;

¹²rhoddodd eu tir yn etifeddiaeth, yn etifeddiaeth i'w bobl Israel.

¹³Y mae dy enw, O ARGLWYDD, am byth, a'th enwogrwydd o genhedlaeth i genhedlaeth.

¹⁴Oherwydd fe rydd yr ARGLWYDD gyfiawnder i'w bobl, a bydd yn trugarhau wrth ei weision.

¹⁵Arian ac aur yw delwau'r cenhedloedd, ac wedi eu gwneud � dwylo dynol.

¹⁶Y mae ganddynt enau nad ydynt yn siarad, a llygaid nad ydynt yn gweld;

¹⁷y mae ganddynt glustiau nad ydynt yn clywed, ac nid oes anadl yn eu ffroenau.

¹⁸Yn mae eu gwneuthurwyr yn mynd yn debyg iddynt, ac felly hefyd bob un sy'n ymddiried ynddynt.

¹⁹Dylwyth Israel, bendithiwch yr ARGLWYDD; Dylwyth Aaron, bendithiwch yr ARGLWYDD.

²⁰Dylwyth Lefi, bendithiwch yr ARGLWYDD; pob un sy'n ofni'r ARGLWYDD, bendithiwch yr ARGLWYDD.

²¹Bendigedig yn Seion fyddo'r ARGLWYDD sydd yn trigo yn Jerwsalem. Molwch yr ARGLWYDD.