Read Y Beibl Cymraeg Newydd, New Welsh Bible, 1988 Salmau 136 Bible Online

Salmau 136 - Y Beibl Cymraeg Newydd, New Welsh Bible, 1988 bible

Salmau 136

¹Diolchwch i'r ARGLWYDD am mai da yw, oherwydd mae ei gariad hyd byth.

²Diolchwch i Dduw y duwiau, oherwydd mae ei gariad hyd byth.

³Diolchwch i Arglwydd yr arglwyddi, oherwydd mae ei gariad hyd byth.

⁴Y mae'n gwneud rhyfeddodau mawrion ei hunan, oherwydd mae ei gariad hyd byth;

⁵gwnaeth y nefoedd mewn doethineb, oherwydd mae ei gariad hyd byth;

⁶taenodd y ddaear dros y dyfroedd, oherwydd mae ei gariad hyd byth;

⁷gwnaeth oleuadau mawrion, oherwydd mae ei gariad hyd byth;

⁸yr haul i reoli'r dydd, oherwydd mae ei gariad hyd byth,

⁹y lleuad a'r s�r i reoli'r nos, oherwydd mae ei gariad hyd byth.

¹⁰Trawodd rai cyntafanedig yr Aifft, oherwydd mae ei gariad hyd byth,

¹¹a daeth ag Israel allan o'u canol, oherwydd mae ei gariad hyd byth;

¹²� llaw gref ac � braich estynedig, oherwydd mae ei gariad hyd byth.

¹³Holltodd y M�r Coch yn ddau, oherwydd mae ei gariad hyd byth,

¹⁴a dygodd Israel trwy ei ganol, oherwydd mae ei gariad hyd byth,

¹⁵ond taflodd Pharo a'i lu i'r M�r Coch, oherwydd mae ei gariad hyd byth.

¹⁶Arweiniodd ei bobl trwy'r anialwch, oherwydd mae ei gariad hyd byth,

¹⁷a tharo brenhinoedd mawrion, oherwydd mae ei gariad hyd byth.

¹⁸Lladdodd frenhinoedd cryfion, oherwydd mae ei gariad hyd byth;

¹⁹Sihon brenin yr Amoriaid, oherwydd mae ei gariad hyd byth,

²⁰Og brenin Basan, oherwydd mae ei gariad hyd byth;

²¹rhoddodd eu tir yn etifeddiaeth, oherwydd mae ei gariad hyd byth,

²²yn etifeddiaeth i'w was Israel, oherwydd mae ei gariad hyd byth.

²³Pan oeddem wedi'n darostwng, fe'n cofiodd, oherwydd mae ei gariad hyd byth,

²⁴a'n gwaredu oddi wrth ein gelynion, oherwydd mae ei gariad hyd byth.

²⁵Ef sy'n rhoi bwyd i bob creadur, oherwydd mae ei gariad hyd byth.

²⁶Diolchwch i Dduw y nefoedd, oherwydd mae ei gariad hyd byth.