Read Y Beibl Cymraeg Newydd, New Welsh Bible, 1988 Salmau 146 Bible Online

Salmau 146 - Y Beibl Cymraeg Newydd, New Welsh Bible, 1988 bible

Salmau 146

¹Molwch yr ARGLWYDD. Fy enaid, mola'r ARGLWYDD.

²Molaf yr ARGLWYDD tra byddaf byw, canaf fawl i'm Duw tra byddaf.

³Peidiwch ag ymddiried mewn tywysogion, mewn unrhyw un na all waredu;

⁴bydd ei anadl yn darfod ac yntau'n dychwelyd i'r ddaear, a'r diwrnod hwnnw derfydd am ei gynlluniau.

⁵Gwyn ei fyd y sawl y mae Duw Jacob yn ei gynorthwyo, ac y mae ei obaith yn yr ARGLWYDD ei Dduw,

⁶creawdwr nefoedd a daear a'r m�r, a'r cyfan sydd ynddynt. Y mae ef yn cadw'n ffyddlon hyd byth,

⁷ac yn gwneud barn �'r gorthrymedig; y mae'n rhoi bara i'r newynog. Y mae'r ARGLWYDD yn rhyddhau carcharorion;

⁸y mae'r ARGLWYDD yn rhoi golwg i'r deillion, ac yn codi pawb sydd wedi eu darostwng; y mae'r ARGLWYDD yn caru'r rhai cyfiawn.

⁹Y mae'r ARGLWYDD yn gwylio dros y dieithriaid, ac yn cynnal y weddw a'r amddifad; y mae'n difetha ffordd y drygionus.

¹⁰Bydd yr ARGLWYDD yn teyrnasu hyd byth, a'th Dduw di, O Seion, dros y cenedlaethau. Molwch yr ARGLWYDD.