Read Y Beibl Cymraeg Newydd, New Welsh Bible, 1988 Salmau 17 Bible Online

Salmau 17 - Y Beibl Cymraeg Newydd, New Welsh Bible, 1988 bible

Salmau 17

¹1 Gweddi. I Ddafydd.0 Gwrando, ARGLWYDD, gri am gyfiawnder; rho sylw i'm llef a gwrandawiad i'm gweddi oddi ar wefusau didwyll.

²Doed fy marn oddi wrthyt ti, edryched dy lygaid ar yr hyn sy'n iawn.

³Profaist fy nghalon a'm gwylio yn y nos, chwiliaist fi ond heb gael drygioni ynof.

⁴Ni throseddodd fy ngenau fel y gwna eraill, ond fe gedwais eiriau dy wefusau.

⁵Ar lwybrau'r anufudd byddai fy nghamau'n pallu, ond ar dy lwybrau di nid yw fy nhraed yn methu.

⁶Gwaeddaf arnat ti am dy fod yn f'ateb, O Dduw; tro dy glust ataf, gwrando fy ngeiriau.

⁷Dangos dy ffyddlondeb rhyfeddol, ti, sy'n gwaredu �'th ddeheulaw y rhai sy'n llochesu ynot rhag eu gwrthwynebwyr.

⁸Cadw fi fel cannwyll dy lygad, cuddia fi dan gysgod dy adenydd

⁹rhag y drygionus sy'n fy nistrywio, y gelynion sydd yn eu gwanc yn f'amgylchu.

¹⁰Maent wedi mygu tosturi, y mae eu genau'n llefaru balchder;

¹¹y maent ar fy sodlau ac ar gau amdanaf, wedi gosod eu bryd ar fy mwrw i'r llawr;

¹²y maent fel llew yn barod i larpio, fel llew ifanc yn llechu yn ei guddfan.

¹³Cyfod, ARGLWYDD, saf yn eu herbyn a'u bwrw i lawr! �'th gleddyf gwared fy mywyd rhag y drygionus;

¹⁴�'th law, ARGLWYDD, gwna ddiwedd arnynt, difa hwy o'u rhan yng nghanol bywyd. Llanwer eu bol �'r hyn sydd gennyt ar eu cyfer, bydded i'w plant gael digon, a chadw gweddill i'w babanod!

¹⁵Ond byddaf fi yn fy nghyfiawnder yn gweld dy wyneb; pan ddeffroaf, digonir fi o weld dy wedd.