Read Y Beibl Cymraeg Newydd, New Welsh Bible, 1988 Salmau 18 Bible Online

Salmau 18 - Y Beibl Cymraeg Newydd, New Welsh Bible, 1988 bible

Salmau 18

¹1 I'r Cyfarwyddwr: I Ddafydd, gwas yr ARGLWYDD, a lefarodd eiriau'r gerdd hon wrth yr ARGLWYDD y diwrnod y gwaredodd yr ARGLWYDD ef o law ei elynion ac o law Saul. A dywedodd:0 Caraf di, O ARGLWYDD, fy nghryfder.

²Yr ARGLWYDD yw fy nghraig, fy nghadernid a'm gwaredydd; fy Nuw yw fy nghraig lle llochesaf, fy nharian, fy amddiffynfa gadarn a'm caer.

³Gwaeddaf ar yr ARGLWYDD sy'n haeddu mawl, ac fe'm gwaredir rhag fy ngelynion.

⁴Pan oedd clymau angau'n tynhau amdanaf a llifeiriant distryw yn fy nal,

⁵pan oedd clymau Sheol yn f'amgylchu a maglau angau o'm blaen,

⁶gwaeddais ar yr ARGLWYDD yn fy nghyfyngder, ac ar fy Nuw iddo fy nghynorthwyo; clywodd fy llef o'i deml, a daeth fy ngwaedd i'w glustiau.

⁷Crynodd y ddaear a gwegian, ysgydwodd sylfeini'r mynyddoedd, a siglo oherwydd ei ddicter ef.

⁸Cododd mwg o'i ffroenau, yr oedd t�n yn ysu o'i enau, a marwor yn cynnau o'i gwmpas.

⁹Fe agorodd y ffurfafen a disgyn, ac yr oedd tywyllwch o dan ei draed.

¹⁰Marchogodd ar gerwb a hedfan, gwibiodd ar adenydd y gwynt.

¹¹Gosododd o'i amgylch dywyllwch yn guddfan, a chymylau duon yn orchudd.

¹²o'r disgleirdeb o'i flaen daeth allan gymylau, a chenllysg a cherrig t�n.

¹³Taranodd yr ARGLWYDD o'r nefoedd, a llefarodd llais y Goruchaf.

¹⁴Bwriodd allan ei saethau yma ac acw, saethodd fellt a gwneud iddynt atsain.

¹⁵Daeth gwaelodion y m�r i'r golwg, a dinoethwyd sylfeini'r byd, oherwydd dy gerydd di, O ARGLWYDD, a chwythiad anadl dy ffroenau.

¹⁶Ymestynnodd o'r uchelder a'm cymryd, tynnodd fi allan o'r dyfroedd cryfion.

¹⁷Gwaredodd fi rhag fy ngelyn nerthol, rhag y rhai sy'n fy nghas�u pan oeddent yn gryfach na mi.

¹⁸Daethant i'm herbyn yn nydd fy argyfwng, ond bu'r ARGLWYDD yn gynhaliaeth i mi.

¹⁹Dygodd fi allan i le agored, a'm gwaredu am ei fod yn fy hoffi.

²⁰Gwnaeth yr ARGLWYDD � mi yn �l fy nghyfiawnder, a thalodd i mi yn �l glendid fy nwylo.

²¹Oherwydd cedwais ffyrdd yr ARGLWYDD, heb droi oddi wrth fy Nuw at ddrygioni;

²²yr oedd ei holl gyfreithiau o'm blaen, ac ni fwriais ei ddeddfau o'r neilltu.

²³Yr oeddwn yn ddi-fai yn ei olwg, a chedwais fy hun rhag troseddu.

²⁴Talodd yr ARGLWYDD i mi yn �l fy nghyfiawnder, ac yn �l glendid fy nwylo yn ei olwg.

²⁵Yr wyt yn ffyddlon i'r ffyddlon, yn ddifeius i'r difeius,

²⁶ac yn bur i'r rhai pur; ond i'r cyfeiliornus yr wyt yn wyrgam.

²⁷Oherwydd yr wyt yn gwaredu'r rhai gostyngedig, ac yn darostwng y beilchion.

²⁸Ti sy'n goleuo fy llusern, ARGLWYDD; fy Nuw sy'n troi fy nhywyllwch yn ddisglair.

²⁹Oherwydd trwot ti y gallaf oresgyn llu; trwy fy Nuw gallaf neidio dros fur.

³⁰Y Duw hwn, y mae'n berffaith ei ffordd, ac y mae gair yr ARGLWYDD wedi ei brofi'n bur; y mae ef yn darian i bawb sy'n llochesu ynddo.

³¹Pwy sydd Dduw ond yr ARGLWYDD? a phwy sydd graig ond ein Duw ni,

³²y Duw sy'n fy ngwregysu � nerth, ac yn gwneud fy ffordd yn ddifeius?

³³Gwna fy nhraed fel rhai ewig, a'm gosod yn gadarn ar y mynyddoedd.

³⁴Y mae'n dysgu i'm dwylo ryfela, i'm breichiau dynnu bwa pres.

³⁵Rhoist imi dy darian i'm gwaredu, a'm cynnal �'th ddeheulaw, a'm gwneud yn fawr trwy dy ofal.

³⁶Rhoist imi le llydan i'm camau, ac ni lithrodd fy nhraed.

³⁷Yr wyf yn ymlid fy ngelynion ac yn eu dal; ni ddychwelaf nes eu difetha.

³⁸Yr wyf yn eu trywanu fel na allant godi, ac y maent yn syrthio o dan fy nhraed.

³⁹Yr wyt wedi fy ngwregysu � nerth i'r frwydr, a darostwng fy ngelynion odanaf.

⁴⁰Gosodaist fy nhroed ar eu gwddf, a gwneud imi ddifetha'r rhai sy'n fy nghas�u.

⁴¹Y maent yn gweiddi, ond nid oes gwaredydd, yn galw ar yr ARGLWYDD, ond nid yw'n eu hateb.

⁴²Fe'u maluriaf cyn faned � llwch o flaen y gwynt, a'u sathru fel llaid ar y strydoedd.

⁴³Yr wyt yn fy ngwaredu rhag ymrafael pobl, ac yn fy ngwneud yn ben ar y cenhedloedd; pobl nad oeddwn yn eu hadnabod sy'n weision i mi.

⁴⁴Pan glywant amdanaf, maent yn ufuddhau i mi, ac estroniaid sy'n ymgreinio o'm blaen.

⁴⁵Y mae estroniaid yn gwangalonni, ac yn dyfod dan grynu o'u lloches.

⁴⁶Byw yw'r ARGLWYDD, bendigedig yw fy nghraig; dyrchafedig fyddo'r Duw sy'n fy ngwaredu,

⁴⁷y Duw sy'n rhoi imi ddialedd, ac yn darostwng pobloedd odanaf,

⁴⁸sy'n fy ngwaredu rhag fy ngelynion, yn fy nyrchafu uwchlaw fy ngwrthwynebwyr, ac yn fy arbed rhag y gorthrymwyr.

⁴⁹Oherwydd hyn, clodforaf di, O ARGLWYDD, ymysg y cenhedloedd, a chanaf fawl i'th enw.

⁵⁰Y mae'n gwaredu ei frenin yn helaeth, ac yn cadw'n ffyddlon i'w eneiniog, i Ddafydd ac i'w had am byth.