Read Y Beibl Cymraeg Newydd, New Welsh Bible, 1988 Salmau 19 Bible Online

Salmau 19 - Y Beibl Cymraeg Newydd, New Welsh Bible, 1988 bible

Salmau 19

¹1 I'r Cyfarwyddwr: Salm. I Ddafydd.0 Y mae'r nefoedd yn adrodd gogoniant Duw, a'r ffurfafen yn mynegi gwaith ei ddwylo.

²Y mae dydd yn llefaru wrth ddydd, a nos yn cyhoeddi gwybodaeth wrth nos.

³Nid oes iaith na geiriau ganddynt, ni chlywir eu llais;

⁴eto fe � eu sain allan drwy'r holl ddaear a'u lleferydd hyd eithafoedd byd. Ynddynt gosododd babell i'r haul,

⁵sy'n dod allan fel priodfab o'i ystafell, yn llon fel campwr yn barod i redeg cwrs.

⁶O eithaf y nefoedd y mae'n codi, a'i gylch hyd yr eithaf arall; ac nid oes dim yn cuddio rhag ei wres.

⁷Y mae cyfraith yr ARGLWYDD yn berffaith, yn adfywio'r enaid; y mae tystiolaeth yr ARGLWYDD yn sicr, yn gwneud y syml yn ddoeth;

⁸y mae deddfau'r ARGLWYDD yn gywir, yn llawenhau'r galon; y mae gorchymyn yr ARGLWYDD yn bur, yn goleuo'r llygaid;

⁹y mae ofn yr ARGLWYDD yn l�n, yn para am byth; y mae barnau'r ARGLWYDD yn wir, yn gyfiawn bob un.

¹⁰Mwy dymunol ydynt nag aur, na llawer o aur coeth, a melysach na m�l, ac na diferion diliau m�l.

¹¹Trwyddynt hwy hefyd rhybuddir fi, ac o'u cadw y mae gwobr fawr.

¹²Pwy sy'n dirnad ei gamgymeriadau? Glanha fi oddi wrth fy meiau cudd.

¹³Cadw dy was oddi wrth bechodau beiddgar, rhag iddynt gael y llaw uchaf arnaf. Yna byddaf yn ddifeius, ac yn ddieuog o bechod mawr.

¹⁴Bydded geiriau fy ngenau'n dderbyniol gennyt, a myfyrdod fy nghalon yn gymeradwy i ti, O ARGLWYDD, fy nghraig a'm prynwr.