Read Y Beibl Cymraeg Newydd, New Welsh Bible, 1988 Salmau 20 Bible Online

Salmau 20 - Y Beibl Cymraeg Newydd, New Welsh Bible, 1988 bible

Salmau 20

¹1 I'r Cyfarwyddwr: Salm. I Ddafydd.0 Bydded i'r ARGLWYDD dy ateb yn nydd cyfyngder, ac i enw Duw Jacob dy amddiffyn.

²Bydded iddo anfon cymorth i ti o'r cysegr, a'th gynnal o Seion.

³Bydded iddo gofio dy holl offrymau, ac edrych yn ffafriol ar dy boethoffrymau. Sela.

⁴Bydded iddo roi i ti dy ddymuniad, a chyflawni dy holl gynlluniau.

⁵Bydded inni orfoleddu yn dy waredigaeth, a chodi banerau yn enw ein Duw. Bydded i'r ARGLWYDD roi iti'r cyfan a ddeisyfi.

⁶Yn awr fe wn fod yr ARGLWYDD yn gwaredu ei eneiniog; y mae'n ei ateb o'i nefoedd sanctaidd trwy waredu'n nerthol �'i ddeheulaw.

⁷Ymffrostia rhai mewn cerbydau ac eraill mewn meirch, ond fe ymffrostiwn ni yn enw'r ARGLWYDD ein Duw.

⁸Y maent hwy'n crynu ac yn syrthio, ond yr ydym ni'n codi ac yn sefyll i fyny.

⁹O ARGLWYDD, gwareda'r brenin; ateb ni pan fyddwn yn galw.